ULANGAN 4:15 - Susula Malalaok Hehelu Palak Ma Hehelu Beuk

¹⁵ “Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.

ULANGAN 4:15 Referans Kwoze

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

YEREMIA 17:21

Mafa'da mae leo ia: ‘Metema emi ta mahiik mate fa, soona boso tao-no'i hata nai fai sabat-ta, do meni hata masok tunga Yerusalem lelesu inan-nala.

AMSAL 4:27

Madook aoinam-ma neme mangalauk-ka mai, ma maso'da tunga ndoon-na. Boso singo meme eno ndoos-sa mai makandondook.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

MAZMUR 119:9

Hataholi muli-soluk-ka, nanea so'dan-na, fo bu'u-ba'en ta, metema naso'da tunga O paletam-ma.

YOSUA 23:11

Hu ndia de, mafandendelak leona, fo sue-lai emi Manetualaim-ma.

ULANGAN 4:12

Basa boema, Manetualain kokolak no emi, neme ha'i dale mai, de emi mamanene halan-na, tehu emi ta mita mata-panan leo beek fa.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

KELUARAN 19:1

Basa ndia boema, leoina Israel-la la'oela Rafidim, fo nai lelek ala la'o ela Masir nai hataholi Yahudi-la bula ka telun-na, fain esa, boema ala losa moo solokaek Sinai. Ala ofu leme Letek Sinai huun-na,

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

ULANGAN 4:14

Manetualain nadenu au fo au anoli emi, basa hoholo-lalanek fo emi muse tungan, nai nusak fo mahani te neukose emi masok-kana, fo emi leo nai ndia.”

ULANGAN 5:8

Boso doki-dulak dodoki-dudulak fo nalupa su'di hata beek nai lalai, nai daebafak-ka, do nai oe dale, fo nai daebafak-ka buin-na.

ULANGAN 4:36

Ana fe emi mamanene halan-na neme lalai mai, soaneu nanoli emi; Natu'du basa ha'i matuainan-na neu emi nai daebafak ia so, de ana kokolak no emi neme ha'i ndia dalek mai.

ULANGAN 5:4

Manetualain nau kokolak no ita, matak no matak neme ha'i dale, nai letek ndia lain.

ULANGAN 9:10

Basa boema, Manetualain fe au, Ana sulak na, batu ka duak-kala. Nai batu sila-la lain, Ana sulak hala-kokolak fo, Ana kokolak-kana no emi neme ha'i-a tala'da mai, nai lelek emi makabubua meme letek-ka huun-na.

ULANGAN 10:4

Boema, Manetualain sulak Paleta Sanahulu neu batu sila-la lain, sama no paleta makasososak-ka, fo nde Ana fe emi paleta-la, nai lelek Ana kokolak neme ha'i-a tala'da mai, nai faik fo emi makabubua meme letek-ka huun-na. Basa ndia boema, Manetualain fe batu bebelak nanasulak sila-la, leo au mai,

1RAJA-RAJA 19:12

Basa boema, ha'i mai, tehu Manetualain ta nai ha'i ndia dalek boen. Basa ndia boema nee nee-lino lino, boema namanene anin-na filo-filo anak.