ULANGAN 33:8 - Susula Malalaok Hehelu Palak Ma Hehelu Beuk

⁸ La'eneu Leo Lewi-a, Musa nafa'da nae: “No batu Urim-ma, ma batu Tumim-ma O mafa'da O hihii-nanaum, tunga hataholi Lewi fo O atam manalilinekam-ma. O so'ba-su'di basan, neme Masa so, ma O male'a moos neme Meriba.

ULANGAN 33:8 Referans Kwoze

KELUARAN 17:7

Ala foi mamanak ndia na'de Masa nanahu nai mamanak ndia, hataholi Israel-la so'ba-su'di Manetualain, nai lelek latane lae, “Ade Manetualain no ita do ta?” Ala foi mamanak ndia boeo na'de Meriba nanahu nai mamanak ndia, hataholi Israel-la lakamuu-muu.

KELUARAN 28:30

Tao Urim ma Tumim leo babaa fanak ndia dalek neu fo Harun paken metema nasasale matak no Au. Nai li'u sama leo ndiak-ka, ana muse pake babaa fanak tataasesa, fo ela ana hapu bubuluk Au hihii-nanaung soaneu hataholi Israel-la.”

BILANGAN 20:13

Ndia nde oemata Meriba. Hataholi Israel-la bemumu loo Manetualain nai mamanak ndia, ma Manetualain natu'du koasa malalao-malalafun-na neu leoina ndia, nai mamanak ndia boe.

MAZMUR 106:16

Nai moo solokaek ndia nde, lape'da dalek neu Musa. Ma Harun, fo Manetualain atan malalao-malafun-nala.

IMAMAT 8:8

Boema ana tao babaa fanak-ka neu Harun, ma ana tao Urim ma Tumim-ma, leo babaa fanak ndia dalek neu

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

MAZMUR 16:10

Nana, O ta po'ilotak au mate fa; hataholi fo O sue-laik-ka, O ta po'ilotak-kana mate-mopo fa.

NEHEMIA 7:65

Nusa Yudea Gobelnol-la kena-ka'is, fo boso la'a nana'ak fo nanatunu-hotu fen neu Manetualain, losa hapu imam esa, fo noke natutu'duk nenik ana pake Urim ma Tumim.

EZRA 8:28

Au afa'da basa imam sila-la ae, “Emi nanahele hehelik soaneu Manetualain, fo ita bei-ba'i kain-nala sene-do'ok-ka. Leondiak boe, basa bua-lo'a lilofulak ma lilopilas fo ala fe tutulu-fafalik neu Manetualain-na, nde been-na hehelik soaneu Manetualain.

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

2TAWARIKH 23:6

Hataholi esa boen ta bole masok leo Manetualain Uman neu fa, tadafe'e basa imam-mala ma hataholi Lewi fo manalakalala'ok bela-ba'un. Sila bole masok nana sila nanahele hehelik soaneu Manetualain so. Hataholi fe'ek-kala muse tunga Manetualain nakaneneten-na, de lahele leme deak.

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

BILANGAN 27:21

Yosua muse noke natutu'duk neme Imam Eleazar-ra mai, ma Eleazar muse natane Au hihii-nanaung nenik ana pake Urim ma Tumim. No enok ndia, hela-nole Yosua, ma basa leoina Israel-la lala'en-na, nai basa dede'ak lala'en fo latongo loon.”

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

IMAMAT 21:7

Imam esa, ta bole sao inak esa, ana da'di hai inak manasosoa-piaok so, do inak esa, ta matatema so'on, do ina maela saok esa, nanahu imam-ma nde been-na, Au nuung ndia.

KELUARAN 28:36

Taom-ma bunga esa neme lilopila isik-ka mai, fo doki-dulak dede'ak-ka nde ia nae, ‘Nanahele hehelik soaneu Manetualain’.

BILANGAN 20:24

“Neukose Harun ta masok leo nusak fo, Au helu basa, fen neu leoina Israel-la fa; neukose maten, nanahu emi dua la'ban basa Au paletang-nga, neme deka no oemata Meriba so.

ULANGAN 6:16

Boso so'ba emi Manetualaim-ma, sama leo emi taon neme Masa.

MALEAKHI 2:6

Lanoli hataholi-a ndoos-sa, te ta lanolis salak fa. Ala leo-lapalasa loo Au, ma ala tunga Au hihii-nanaung no matetun-na. Boeo, ala tulu-fali hataholi makadotok, fo ala boso boe tao tatao-nono'i mangalauk bai

BILANGAN 35:8

La'eneu emi sanga fe hataholi Lewi-la kota neme hataholi Israel-la dae pusakan-na mai soona, emi muse ho'i kota ba'uk-ka neme leo matua-la mai, ma kota lumanak neme leo anak-kala mai.”

ULANGAN 9:22

Emi taom-ma, Manetualain namanasa neme Tabera, Masa ma Kibrot-Taawa boe.