ULANGAN 33:7 - Susula Malalaok Hehelu Palak Ma Hehelu Beuk

⁷ La'eneu leo Yehuda, Musa nafa'da nae: “Manetualain mamanene Yehuda dokodoen-na; tao makabubua falik-kasa lo leoinan. Matee-matati nggatis, ou Manetualain, tulu-falis neme sila musu non-na mai.”

ULANGAN 33:7 Referans Kwoze

IBRANI 7:14

Basa hataholi la, ala bubuluk lae ita Lamatua na da'di neme leoana Yehuda mai; ma Musa ta la'iesa fo ana seseik leoanak ndia, nai lelek ana kokolak la'eneu imam-imam mala.

1 KORINTUS 15:25

Kristus muse paleta nahele, losa Manetualain fe Kristus musu noon nala lakaluku-lakatele leun.

LUKAS 19:27

Ma besak ia mo au musu noong fo ala ta nau au da'di sila mane na, leo ia mai. Taomisa la'iesa kasa nai au matang!’ ”

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 21:8

Manek-ka namahena neu Manetualain Fo Mademaina, so'dan-na nee-nee lino-lino, tataas esa nana Manetualain sue-lai nahelen.

MAZMUR 20:2

Ela leo been-na, Manetualain nataa o, nai lelek o nai fai to'a-taak-ka dalek, ela leo been-na, Yakob Manetualain-na koasan-na, nasulu-nahapa o!

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MAZMUR 78:70

Ana hele atan, Dauk, de Ana ho'in neme bana-manu bubuak-kala tala'da mai,

MAZMUR 78:68

Fo Ana helek-ka nde, leo Yehuda, ma Ana sue-laik-ka nde, Pupukuk Sion-na.

MAZMUR 21:1

Soaneu mauli-malanga nakameek-ka. Dauk kokoa-kikion-na.

1 TAWARIKH 12:22

Hii nae, tunga faik hapu hataholi beuk mai lakabubua da'di esa loo Dauk, de nalosa beita doo bee boen te, Dauk solda'du nala lamaba'u lanseli.

2 SEMUEL 5:24

Metema, o mamanene makandu'uk-ka, sama leo hataholi-la la'ok lakadadalak lai ai sila poin-na, ei ndu'un-na soona, tutulumatak leona, nana neukose Au la'ok nai o uluk, fo o sengi solda'du Filistin-nala.”

2 SEMUEL 5:19

Boema, Dauk natane Manetualain nae, “Au muse u sapu-a hataholi Filistin sila-la do? Ade, neukose O fe au sengi do?” Boema Manetualain nataa nae, “Sapu leona, te neukose Au fe o sengi!”

2 SEMUEL 5:1

Basa ndia boema, basa mauli-malangan Israel-la, ala mai leo Dauk nai Hebron, de lafa'dan lae, “Ami ia, Ama Manek tia-lain.

2 SEMUEL 3:1

Saul teidalen-nala solda'dun-nala, loo Dauk teidalen-nala solda'dun-nala, latee-lata'ti lakandoo. Dauk boetai natea-nahele, tehu musu noon-na, boetai lakama'a.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

BILANGAN 34:19

Hataholi sila-la na'den-nala nde ia: Leo Mauli-malangan Yuda Kaleb, fo Yefune anan-na Simeon Semuel, fo Amihud anan-na Benyamin Elidad, fo Kislon anan-na Dan Buki, fo Yogli anan-na Manasye Haniel, fo Efod anan-na Efraim Kemuel, fo Siftan anan-na Zebulon Elisafan, fo Parnah anan-na Isakhar Paltiel, fo Azan anan-na Asyer Ahihud, fo Selomi anan-na Naftali Pedael, fo Amihud anan-na

YOSUA 15:20

Tutuik manamaik ia, nde be na, dae fo ala fen neu teidalek manai leo Yehuda dalek, fo da'di sila pusakan.

MAZMUR 89:24

Neukose Au tao amopo-amate musun-na, Au taoisa su'di see-a fo, nakamuu-nakadaun.