ULANGAN 33:16 - Susula Malalaok Hehelu Palak Ma Hehelu Beuk

¹⁶ Ela leo been-na, daen-na nanaba'e-batik nenik basa hata malole lala'en-na, ma nanaba'e-palak neme Manetualain dale malolen, fo Ana kokolak neme makatema manapilak-ka dalek mai. Ela leo been-na, baba'e-papalak ndia, ana kona leo Yusuf tititi-nonosin neu, nana ndia nde, mauli-malangan nai tolanoon-nala dalek.

ULANGAN 33:16 Referans Kwoze

HATAHOLI 7:35

Musa ia nde Musa fo leoina Israe la ta sipo kana fa, ma ala tipahenin ninik dede'a-kokola ka nae, ‘See ka nde so'u o da'di ami mauli-malangam, ma mana maketu-mala'di ma?’ Tehu mate'e na, ndia nde Manetualain nadenun fo ana da'di mauli-malangan, ma mana fe so'dak neu hataholi Israe la, ninik tutulu-fafalik neme ata nusa so'dak fo ana mai natongo non neme telaana mana pilak dale a.

MAZMUR 24:1

Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

MARKUS 12:26

La'eneu hataholi manamate kala laso'da fali ka, ade emi beita les mitan nai Musa susulan dale, la'eneu telas manapilak ndia fa? Nai lalanek sila la dalek, nanasulak nae, Manetualain nafa'da Musa nae, ‘Au nde Abraham Manetualai na, Isak Manetualai na, ma Yakob Manetualai na.’

YEREMIA 8:16

Musu-a, nai kota Dan-na so; ndalan-nala lakadii, de tamanenen so, de basa nusak-ka lala'en-na, bii-lamata'u. Musu-a ana mai, fo tao nakalulutuk la'iesak ita nusan-na, boeo ita kotan-na, no basa laun-na.”

MAZMUR 89:11

Rahab, fo buta tasi-a, O fefepa-popokon, ma O tao misan, O sengi O musum-mala nenik O lima mabe'i-balakaim.

MAZMUR 50:12

Metema Au amala'a soona, ta paluu Au afa'dan neu emi fa, nana daebafak-ka no oe-isin lala'ena, Au nuung.

KEJADIAN 49:26

gandum ma bunga, O amam Manetualain baba'e-papalan lena heni lete-letek fo, lamalasi lanseli-a su'i-beten-nala. Ela leo been-na, basa baba'e-papalak sila-la, kona neu Yusuf langan lain, neu dedein lain. Ndia nde malole lena neme tolanoon-nala mai.

KEJADIAN 43:32

Yusuf na'a mesak-kanan-nai mei esa, ma tolanoon-nala lai mei fe'ek. Hataholi Masir fo manai sila-la, la'a lai mei fe'ek esa seluk, nanahu ala lame'da nananakamumulu-nakadadaek metema la'a sama-sama loo hataholi Ibrani la.

KEJADIAN 37:36

Ndia te nai Masir, hataholi Midian nala lase'oheni Yusuf leo Potifar, fo manek-ka malanga solda'du matuainan esa ana da'di malangan neu manamanea uma manek-ka.

KEJADIAN 37:28

de lelek manadangan Midian de'ubee la'ok tunga ndia boema, Yusuf ka'an-nala kaluahenin neme oedolu ndia dalek mai, boema lase'on leo hataholi Ismael ndia neu nenik doifulak duahulu. Basa boema manadangan sila-la loon leo Masir neu.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

1 KORINTUS 10:28

Tehu metema hapu hataholi nafa'da emi nae, “Nana'a-nininuk ia la ala fe basan neu sosongo-tatango ka so,” soona boso mi'a nana'ak ndia, nana emi manea hataholi ndia paluu na, ma hu ka nde dale bobongo ana ka nakababale na.

1 KORINTUS 10:26

Nana nai Susula Malalaok dale nanasulak nae, “Daebafak ia no oe isin lala'ena nde bee na, Lamatua ka nuun.”

LUKAS 2:14

“Koa-kio Manetualain, fo manai lalai mademaina! Ma nai daebafa ka poi na, mole-dame ba'eneu hataholi daebafak, fo mana tao lamahoko Manetualain dale na!”

KEJADIAN 37:8

Ka'an-nala ka'in lae, “O maedaenga neukose o da'di manek fo o koasa ami do?” Boema ala boetai lakamuu-lakadaun, nanahu me'i nala ma nanahu hata fo nafa'dan.

KELUARAN 2:2

Boema, inak ndia bongi-na ni'iana touanak esa. Lelek nita ni'iana ndia mana'a hiik nanseli boema, nafunin bulak telu dalen-na.

BILANGAN 26:28

Neme Yusuf tititi-nonosin mai, nanuu anatouk dua, fo nde leo Manasye ma leo Efraim-ma.