ULANGAN 33:11 - Susula Malalaok Hehelu Palak Ma Hehelu Beuk

¹¹ Manetualain, tulu-fali leo ia, fo ela latea-lahele, ela leo been-na, O mahiik sila ue-le'din. Taom-mamate-mamopo, basa sila musun-nala, nalosa ala ta hapu fo'a lapadeik so'on.”

ULANGAN 33:11 Referans Kwoze

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

2 SEMUEL 24:23

Arauna fe basa sila-la leo manek-ka neu, boema nafa'da nae, “Sa'di leo been-na, Ama Manek Manetualain-na, sipok Ama Manek tunu-hotun.”

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

YEREMIA 15:10

Tete'ek-ka au ia ua-nale tak! Sosoak hata au inang bongi au? Au muse alea-apilik ma asipo bafak neu hataholi manai nusak ia. Leomae au beita akatotonok ita do tona-nggange fa, tehu basa hataholi supa-soo au.

YESAYA 29:21

hataholi fo, ana hii tao nanggenggeo hataholi fe'ek na'den-na, hataholi fo, ana sanga enok soaneu napanggengge, fo ela boso huku hataholi mangalauk-ka, ma hataholi fo, ana tui-benga tutui pepekok, fo ela hataholi manatao ndoos-sa, boso hapu ndoos ma matetuk-ka.

MAZMUR 20:3

Ela leo been-na, Ana haitua manatulu-fali neme Uman-na mai, ma Ana fe tutulu-fafalik neme Pupuku Sion-na mai.

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.

ULANGAN 33:12

La'eneu leo Benyamin-na, Musa nafa'da nae: “Manetualain leo susue-lalain-na nde ia-la. Lele'do-le'odaen, Ana nasulu-nahapas, ma Ana leo nai sila tala'da.”

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.