ULANGAN 33:10 - Susula Malalaok Hehelu Palak Ma Hehelu Beuk

¹⁰ Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.

ULANGAN 33:10 Referans Kwoze

MAZMUR 51:19

Tutunu-hohotuk fo ba'eneu Manetualain-na, nde been-na dalek fo nakalulutuk, dalek fo nakatele ma tuka tei-sale dalek-ka O ta tipa fan.

IMAMAT 10:11

Basa hoholo-lalanek fo Au fen neu emi, tunga Musa, emi muse manolin neu leoina Israel-la.”

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

IBRANI 9:24

Nana Kristus ta masok leo Kama Malalaok fo hataholi daebafak nde tao nana, ndia ka'da salaok esa neme Kama Malalao matetu ka mai. Kristus mesa kana nde masok leo nusa so'da ka neu; de besak ia, Ana nasasalematak no Manetualain, hu ka nde ita paluu na.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

NEHEMIA 8:18

Ala tao feta faik hitu dalen-na. Tunga faik, Ezra lees Manetualain susula Hoholo-lalanen neme baba'ek leo baba'ek neu. Neu fai ka falun-na boema, feta nate'e, nandaa no Hoholo-lalanek nakaneneten-na.

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

2TAWARIKH 26:18

soaneu ala lena-la'ban tatao-nono'in ndia. Lafa'da lae, “Ama Manek Fo Mandela-masa'ak! Ama Manek ta nanuu hak hotu boomenik soaneu Manetualain fa. Imam-imam fo Harun tititi-nonosin bela-ba'un ndia, nana sila nde nanahele hehelik soaneu bela-ba'uk ndia. Ela leo bee na Ama Manek la'oela mamana malalao-malalafuk ia.! Ama Manek la'ban basa Manetualain so, de Ama Manek ta hapu ha'da-holomatan so'on.”

ULANGAN 24:8

Metema, hapu he'di lou mangalauk, fo imam-mala paleta emi tao beek soona, taon no malolen-na; tunga natutu'duk fo, au fen neu imam sila-la.

BILANGAN 16:46

boema, Musa nafa'da Harun nae, “Ho'i-ma o mamana ha'im-ma, fo ho'i ha'ikaak neme mei tunu-hotuk lain mai, fo taon leo dalek neu, ma tao boomenik neu ha'ikaak lain. Menin lai-lai leo hataholi Israel-la neu, fo tao feta sala-singok hapu do'o do ampon soaneus. Lai-lai leona! Te Manetualain nasa-melun lua ponu-ponu, ma he'di-laus mulai so.”

BILANGAN 16:40

Ndia nalupa nasanene'dak ba'eneu leoina Israel-la, nae fe'ek neme Harun tititi-nonosin mai soona, ta hapu hataholi esa boen, bole neu leo mei tunu-hotuk-ka neu, fo ana tunu boomenik soaneu Manetualain. Hataholi fo ana la'o lena nakanenetek ndia, neukose nanatao namopo-namatek sama leo Korah no hataholi manalook-kana. Basa sila-la taos sama leo hata fo Manetualain paletan neu Eleazar, tunga Musa.

IMAMAT 1:17

Basa soona, muse siin neu manupui ndia li'da huun-na, tehu ta bole ketu heni li'dan-na fa. Soona, muse tunu manupui ndia, nai mei tunu-hotuk lain. Tutunu-hohotuk nanatunuk ndia boon-na, nandaa no Manetualain dalen-na.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

IMAMAT 16:12

muse ana ho'in-na, mamana ha'i-a neme mei tunu-hotuk-ka mai, fo ana tao nahenun nenik ha'ikaa manapila lo'a-lo'ak, ma boomeni sopuk, nafanggetek dua, fo nenin leo Kama Malalao-malalafuk nanseli-a, dalek neu.

IMAMAT 16:13

Ana muse tunu boomenik ndia, nai Peti Hehelu-balataak-ka matan, nalosa masun-na potin-na Peti ndia tatanan-na, de Harun ta hapu nita peti ndia fa, nana metema Harun nita Peti ndia soona, neukose maten.

ULANGAN 33:11

Manetualain, tulu-fali leo ia, fo ela latea-lahele, ela leo been-na, O mahiik sila ue-le'din. Taom-mamate-mamopo, basa sila musun-nala, nalosa ala ta hapu fo'a lapadeik so'on.”

EZRA 7:10

Ezra tao la'iesak dudu'a-aafin neu palisak besa-besa no, Manetualain Hoholo-lalanen, ana tao tungan, boema nanoli basa nakeketuk lala'en-na no nakaneneten-nala, neu leoina Israel-la.

ULANGAN 27:14

Hataholi Lewi-la, muse ala kokolak dede'ak ia-la, no lapane'e halan-nala, ma hataholi Israel-la, muse lataa lae, Tete'ek-ka, ‘Amin’.

HAGAI 2:11

nae, “Moke imam-mala, fo ala fe nakeketuk la'eneu dede'ak ia.

HAGAI 2:12

Leo uni'ka, hapu hataholi ho'i-na paa biak esa, neme paa tutunu-hohotuk fo nanafe basak neu Manetualain so, boema ana potin neu ba'du manalun dale, de nenin leo uma neu, de basa boema, ba'du manalun ndia, koila'e loti do nana'a tasak, do angol, do mina setun, do nana'a mata beek boe, ade basa sila-la, neukose ala da'di malalaok do ta?” Lelek Hagai fe natatanek ndia boema, basa imam-mala lataa lae, “Ta.”