ULANGAN 32:6 - Susula Malalaok Hehelu Palak Ma Hehelu Beuk

⁶ Emi balas Manetualain dale malolen-na leondiak hai hataholi nggoak ma dudu'a-aafi tak-kala lemin? Ade, Ndia ta nde emi Amam, fo Manamakadada'dik emi, fo manatao emi da'di leoina esa fa do?

ULANGAN 32:6 Referans Kwoze

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

YESAYA 64:8

Tehu O, ou Manetualain, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

YESAYA 44:2

Au nde Manetualain fo manamakadada'dik o-a, fo manafe o lupak, mulai neme o inam nailu o, ma manatulu-fali o. Boso bii, te Au atang-nga nde o, Au ana heheleng fo, Au sue-laik-ka.

MAZMUR 74:2

Mafandendelek O anam fo, O heles neme makahulun eli mai, O soi-po'i leoina-kala, fo ela ala da'di O nuum. Mafandendelek Pupuku Sion fo, O taon da'di O mamana leleom-ma.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

GALATIA 4:6

Hu ka nde emi ia Manetualai nana nala, de Manetualain nadenu Ana na Dula Dale na masok leo emi dalem dale ma au daleng dale, fo nde Dula Dalek fo nalo bou-bou nae, “Ama, ou au Amang.”

GALATIA 3:26

Nanahu emi mamahele Kristus Yesus de, emi da'di esa moon, hu ndia de, emi da'di Manetualai nanan.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

ROMA 8:15

Nana Manetualain fe emi Dula Dale ka, ana ta tao emi da'di ata fo emi maso'da nai ka'da bibii-namata'u ka dalek fa. Dede'a nasafali na, Manetualain Dula Dale na, ana tao emi da'di Manetualain anan. Boema no Manetualain Dula Dale na koasan ndia de, ita talo Manetualain soona tae, “Ama, ou au Ama nga!”

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

YESAYA 43:7

Nana sila basa-basas, nananaloo basak, nenik Au na'deng-nga so, Au akadada'dik-kasa, soaneu lamatutua-lamadedema Au.”

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

ULANGAN 32:18

Ala lafandeleheni sila Manasoi-tefan fo, palani tatibatu, lafandeleheni sila Manetualain fo, manafe maso'dak-ka.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 1:31

ma neme moo solokaek-ka. Emi mita, tao leo beek de, emi Manetualaim-ma no emi no so'dak, ma Ana ko'o emi sama leo amak esa ko'o anan-na, su'di enok ndia nanalun-na, losa mamanak ia.

YEREMIA 5:21

“Mamanene leon, hai emi fo, hataholi nggoa-panganak-kala lemin! Emi mamatak, tehu emi ta mita fa, madi'idook, tehu ta mamanene fa!

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

MAZMUR 116:12

Au fe Manetualain beek, fo balas dale malolen-na ba'eneu au?

MAZMUR 95:6

Mai fo, ata takaluku-takatele fo sene-do'ok neun, senek nai Manetualain, fo manamakadada'dik ita, matan.

MAZMUR 74:18

Mafandendelek, tao leo beek de, musu-a nakamumulu-nakamamaek O, ou Manetualain, leoina fo ta lalelak O fa, lakamumulu-lakamamaek O na'dem-ma.

AYUB 10:8

O limam-ma, nde taon-na au, alupa hataholi-a, masa bole esak ia, O sanga tao mamopo-mamate au?

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

KELUARAN 4:22

Boema, mafa'da manek ndia mae Au, Manetualain, helu ae leo ia, ‘Israel nde been-na Au ana ulung-nga,

ULANGAN 32:28

Israel nde been-na, leoina esa fo, ana ta tai-dodoo fa; ta lalelak hata esa boen.

2 SEMUEL 7:24

O tao leoina Israel-la, da'di O ana mesam, losa dodoon-na, ma O, ou Manetualain, O da'di sila Manetualain so.

HOSEA 13:13

Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’