ULANGAN 32:22 - Susula Malalaok Hehelu Palak Ma Hehelu Beuk

²² Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

ULANGAN 32:22 Referans Kwoze

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YEREMIA 15:14

Neukose au tao-a sila da'di ata neu sila musun-nala nai nusa dea fo ala ta lalelak-kasa fa, nana au nasa-melung lua ponu-ponu sama leo ha'i-a pila lo'a-lo'a ma ta hapu nakamate fa.”

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

YEREMIA 17:4

Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

MAZMUR 86:13

Nana O sue-lai mahele au, nenik susue-lalaik matuaina; O soi-po'i au samaneng-nga neme bolo mamates dale mai so.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

IBRANI 12:29

Nana ita Manetualain ndia, sama leo ha'i fo manahotu naputu ka.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

MATEOS 23:33

Emi hataholi mangalau kala, ma tititi-nonosi hataholi mangalauk. Tao leo bee fo emi hapu matapo'i neme huhuku tasi ha'i ka mai?

MATEOS 18:9

Ma metema o mata ma tao na o masala-masingo soona, e'do man fo tapa henin. Fo malole lenak o maso'da mo Manetualain no mata seselik, neme ala tapa o leo tasi ha'ik dale neu no o matam duas.”

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

RATAPAN 2:3

Nai nasa-melun fo manapila lo'a-lo'an-na dalek, Ana helu la'di Israel be'i-balakain, Lelek musu nook-ka sapu-na ita, Ana hia fe tutulu-fafalik. Sama leo ha'i pila lo'a-lo'a fo tao nalutu basa hata lala'en-na, leondiak boe, Manetualain manakoasa nasa-melun neu ita basa-basa-tala.

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 24:6

Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

MAZMUR 144:5

Ou Manetualain, soiheni O lalaim-ma, fo kona leona, fo koila'e letek-kala, fo ela lamasu.

MAZMUR 97:3

Ha'i-a pila nasalolo'de nai matan-na, fo ana hotu naputu musu manai boboa-kaisun-na.

MAZMUR 83:14

Ou Manetualain, nggenggela-ngganggalis sama leo dae sopuk-ka, ma sama leo anin-na fuu neni ha'deaik-ka.

MAZMUR 46:2

Manetualain nde been-na, ita manamasulu-mahapan, ma ita be'i-balakain. Naheheleaon tataas esa, ma Ana tulu-fali nabe'i ita, nai to'a-taak-ka dalek.

MAZMUR 21:9

Neukose Ana foo la'iesak musun-nala, ma Ana ho'u-na basa hataholi fo lakamuu-lakadau neu.

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

BILANGAN 16:33

Boema basa-basas tenak loo ao holi-holin-nala, loo basa hata-heton-nala lala'en-na, leo hataholi manamatek-kala daebafan dale leu. Dae matanggak ndia, nakatema falik, de nakadofu ketus, nalosa mopok-kasa.

YESKIAL 38:19

Ma no nasa manalua ponu-ponuk-ka, neukose Au fe nasanene'da mahelek, ae nai faik ia, neukose hapu dae manggengo matuaina, nai nusa Israel-la.

AMOS 7:4

Au hapu ninitak esa seluk neme Manetualain Fo Mademaina mai. Au ita naheheleaon, fo Ana huku anan-nala nenik ha'i. Ha'i ndia na'a heni tasi manai daebafak-ka buin-na ma ana mulai na'a heni tina-la.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 2:4

Ana hela kokoun-na, sama leo musu fo Ana te'ek kokou isin-na nasale leo ita mai. Ana taonisa la'iesak basa hataholi fo ita sue-laik-kala, Nasapula nasa-melun sama leo ha'i-a, leo kota Yerusalem ia dalek neu.

YESKIAL 19:12

Tehu hataholi ba'unasa-la, ala fe'ahenin, basa boema, ala tapan neu dae lain. Ani timu-a ana mai, boema ana tao-na boa momo'don-nala, lamatuu. La'di ndanan-nala, de lamatuu, boema ala hotuhenin.

YESKIAL 22:21

Hei, neukose Au tao akabubua emi nai Yerusalem, fo Au asapula Au ha'i nasa-melung-nga neu emi, fo ela emi nananatanoek nai ha'i nasa-meluk ndia dalek.

AMOS 5:6

Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.