ULANGAN 30:9 - Susula Malalaok Hehelu Palak Ma Hehelu Beuk

⁹ Neukose emi Manetualaim-ma, fe emi tutunga-sasangam lala'en-na, neni buna-boak fe emi; neukose emi anam makadotok, ma emi bana-manum makadotok; ma emi tinam-mala, buna-boan sasi kao-kao. Manetualain namahoko, de Ana fe emi maso'da no tetu-temak, sama leo Ana namahoko, de Ana fe tetu-temak neu emi bei-ba'i kaim-mala boe.

ULANGAN 30:9 Referans Kwoze

YEREMIA 32:41

Neukose Au hii ka'da tao malole ba'eneu sila, ma Au tao-as leo lahele nai nusak ia soaneu losa dodoon-na.

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

ULANGAN 28:4

Baba'e-papalak ba'eneu emi, nalosa emi anam makadotok, emi dae-oem buna-boan sasi kao-kao, ma emi sapim-mala boema emi bi'ihii-bi'ilopom-mala lamade'u.

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

YOHANIS 15:11

Au afa'da basa dede'ak ia la neu emi, fo ela Au namahoko nga hapun nai emi dalem dale, boema emi namahoko ma da'di matetu-mandaak.

LUKAS 15:32

Tehu ita muse tao feta ma tamahoko-setelee, nana o fa'di ma makahulu na maten so, tehu besak ia naso'da falik. Makahulu na mopon, tehu besak ia hapu fali kana so.’ ”

YEREMIA 31:28

Sama leo makahulun-na Au aneas fo ela neu makabuin-na soona, Au fe'a henis Au tao atu'us ma Au tao akalulutuk-kasa, leoniak boe neukose Au aneas fo ela Au tao atetea-aheles ma au afofo'a falik-kasa.

YESAYA 65:19

Neukose Au mesang-nga amahoko-setelee, nanahu Yerusalem, ma Au amahoko, nanahu laun-na. Ta hapu seluk kikiik nai kota ndia so'on, ma ta hapu mananggasik, fo noke tutulu-fafalik fa.

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.

IMAMAT 26:6

Neukose, Au fe emi so'da-molek nai emi nusam ndia dalek, nalosa emi bisa sungu no nee-nee lino-linok, ma emi ta bii-mamata'u neu su'di see boen. Neukose Au tao amopo-amate bana makaa-makisuk-kala neme nusak ndia dalek mai, ma neukose ta hapu natee-natatik nai emi nusam-ma so'on.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

YESAYA 62:5

Sama leo touana muli-soluk esa, ana ka'bing no, anafe'oana matatema esa, Leondiak boe, o Manamakadada'dim-ma, neukose Ana ka'bing no o. Sama leo manaka'bing touk esa namahoko nita saoinan-na, leondiak neukose Manetualain dalen-na, nandaa no o.

ULANGAN 30:8

Neukose emi tunga Manetualain seluk, ma emi makalala'ok basa paletan fo, au fen neu emi nai faik ia.

YEREMIA 31:27

A, Manetualain, afa'da ae, neukose losa fain-na te, Au tao ahenu nusak Israel no Yehuda nenik hataholi daebafak ma bana-manu.

ULANGAN 7:14

Neme basa leoina manai daebafak-ka, ta hapu esa boen, fo ana hapu baba'e-papala manasasi kao-kaok-ka, sama leo emi fa. Neme emi basa-basam-mala, ma neme emi bana-manum lala'en-na mai, ta hapu kalate'dis esa boen.

YESAYA 62:4

O na'dem-ma, ta nde ‘Fo Nanala'oelak so'on’, o nusam-ma, ta na'de ‘Fo Mananee-nee lino-linok so'on’. Neukose loke o lae, ‘Fo Manetualain sue-lain’, ma o nusam-ma, nanafoik na'de, ‘Fo Ka'bing basa so’, nana Manetualain dalen-na nandaa no o, Ndia sama leo, o nusam-ma, saotoun-na.