ULANGAN 3:20 - Susula Malalaok Hehelu Palak Ma Hehelu Beuk

²⁰ Tulu-fali hataholi fo emi leoina esa, losa langatuu-la dae fo emi Manetualaim-ma fen leo sila neu, fo nde dae manai Lee Yarden-na boboan muli, ma losa Manetualain fes laso'da no mole-dame nai naa, sama leo Ana fe emi maso'da no mole-dame nai ia boe. Basa ndia soona, besak-ka emi bole fali me'um-ma leo emi dae pusakam fo au fe emi-ka.

ULANGAN 3:20 Referans Kwoze

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.

BILANGAN 32:22

nalosa nusak nakatele neun, soona emi bole fali, ma emi matapo'i meme emi bela-ba'um soaneu Manetualain ma soaneu emi tolanom-mala, de neukose Manetualain fe emi manuu, dae manai Lee Yarden-na boboan dulu.

ULANGAN 3:21

Boema, au afa'da Yesua ae, O mita basa hata lala'en fo o Manetualaim-ma taon soaneu Sihon ma Og, fo manek-ka duak sila-la so. Leondiak boe, neukose Ana taon soaneu basa manek fo o loso-ma daen-nala.

ULANGAN 12:9

nanahu emi beita masok leo, emi Manetualaim-ma, fe emi nusak-ka meu fa, mamanak fo emi hapu leo mahele, no nee-nee lina-linok.

YOSUA 1:15

Emi muse tulu-falis, losa langatuu-la dae manai Lee Yarden-na boboan muli ia, dae fo emi Manetualaim-ma, fen neu sila. Metema Manetualain fe basa leoina Israel-la lala'en-na laso'da no nee-nee lino-linok soona, besak-ka emi bole fali me'um-ma leo emi daem manai Lee Yarden-na boboan dulu ia, fo Musa Manetualain atan ndia ana fen neu emi.”

BILANGAN 32:18

Neukose ami ta fali leo ami umam meu fa, metema hataholi Israel-la, beita hapu sila dae pusakan-na fa.

YOSUA 22:2

de nafa'das nae, “Emi tao la'iesak Manetualain atan Musa ndia, paletan neu emi so. Ma emi boeo, tunga basa au paletang-ngala so boe.