ULANGAN 3:2 - Susula Malalaok Hehelu Palak Ma Hehelu Beuk

² Tehu, Manetualain nafa'da au nae, ‘Musa, boso bii Og. Neukose Au fe Og no solda'dun-nala, ma basa daen-na lala'en-na leo o neu. Taon sama leo o tao Sihon, fo Mane Amori-a, fo ana paleta nai Hesybon.’

ULANGAN 3:2 Referans Kwoze

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

HATAHOLI 27:24

de nafa'da au nae, ‘Boso bii Paulus! Te neukose o muu mataa Kese la. Ma hu no Manetualain dale malole na neu o de basa hataholi manai ofak ia lai na laso'da beno'u nanahu o.’

HATAHOLI 18:9

Leodaek esa boema, nai ninitak esa dalek, Lamatua ka nafa'da Paulus nae, “Boso bii! Te kokolak makandoo fo boso denge-denge.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

ULANGAN 20:3

‘Tolano-tolanoong-ngala lemin! Mamanene dei! Te faik ia, emi muse meu matee-matati. Boso bii-mamata'u, do dalem-ma boso ba'ihana, do mapangamak.

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)

BILANGAN 21:34

Boema Manetualain nafa'da Musa nae, “Boso bii-mamata'u neun. Neukose Au fe o sengin no laun-na ma nusan-na. Taon sama leo o tao Mane Sihon fo ana paleta nai Hesybon-na.”

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

ULANGAN 3:1

“Basa boema, ita la'ok leo kii teu, de ita leo dae Basan-na teu. Og, fo mane Basam-ma, ana mai no basa solda'dun-nala lala'en-na, fo latee-lata'ti loo ita, deka kota Edrei-a.

ULANGAN 3:3

Da'di, ita Manetualain boeo, Ana fe Mane Og-ka no laun-nala leo ita mai, de ita sengi la'iesak-kasa.

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”