ULANGAN 3:13 - Susula Malalaok Hehelu Palak Ma Hehelu Beuk

¹³ Au fe dae Gilead fo bei elak-ka, boema dae Basan fo nde Mane Og-ka dae nangatuu palan-na fo nde dae Argob-pa lala'en-na neu leo Manasye-a seli.” (Basan nananita-nalelak da'di leo hataholi Refaim-ma nusan-na.

ULANGAN 3:13 Referans Kwoze

KEJADIAN 14:5

Nai teu ka sanahulu haan-na dalek, boema Kedorlaomer no mane-manek fo, ala dalek esa loon-na, ala mai loo solda'dun-nala, de ala sengi hataholi Refaim-mala neme Asyterot-Karnaim, hataholi Zuzim-mala neme Ham, hataholi Emim-mala neme Syawe-Kiryataim,

ULANGAN 3:4

Nai lelek ndia, ita loso-tala basa kotan-nala; de ta ela esa boen. Ita loso-tala kota-la basa-basan, kota neehulu nai dae Argob-pa lala'en-na, fo nai Mane Og-ka nai Basan nusa paletan-na.

ULANGAN 3:12

“Dae ndia ana da'di ita nuun boema, au fe leo Ruben-na ma leo Gad-ta, dae manai kota Aroer-ra boboan kii, fo deka no Lee Arnon-na, ma dae letelepak Gilead-ta seli no kotan-nala.

ULANGAN 3:14

Yair, fo neme leo Manasye mai, ana ho'in-na nusa Argob-pa lala'en-na fo nde: neme Basan losa Gesur no Maakha dae toon-na. Ana foi nggolok sila-la na'den-na tunga ndia na'den-na, de losa besak ia, hataholi-la loken soona, lae nggolok Yair.)

ULANGAN 29:8

Ita loso-ta, sila dae-na, de ita babab'en neu leo Ruben-na, leo Gad-ta, ma leo Manasye-a seli.

ULANGAN 29:7

Ma nai lelek, ita losa mamanak ia, Mane Sihon-na neme Hesybon mai, ma Mane Og-ka neme Basan mai, de ala sapu-la ita. Tehu ita sengis.

2RAJA-RAJA 10:33

nai Lee Yarden-na boboan dulu, losa leo kona neu, fo dodook kota Aroer-ra, deka Lee Arnon-na, de nai dalek hapu nusa Gilead ma Basan, fo leo Gad, Ruben ma Manasye mamana leleon-nala.