ULANGAN 28:8 - Susula Malalaok Hehelu Palak Ma Hehelu Beuk

⁸ Neukose emi Manetualaim-ma, fe baba'e-papalak neu emi ue-le'dim lala'en-na, ma nadai nahenu emi sokam-mala nenik gandum. Neukose Ana fe emi baba'e-papalak nai Ana fe emi nusak-ka.

ULANGAN 28:8 Referans Kwoze

ULANGAN 15:10

Fen no dalen-na namahokok, ma boso no nakasetik, soona neukose emi Manetualaim-ma, fe baba'e-papalak neu emi ue-le'dim lala'en-na.

IMAMAT 26:10

Emi dae-ma buna-boan, neukose ana sasi kao-kao, nalosa nana'ak-ka dai, soaneu teuk esa dalen-na. Nakalenak, nau do ta nau fa-o, emi muse kalua heni buna-boak nanaketu-kolu palaak-kala, fo ela hapu mamanak soaneu emi pe'da-fua buna-boak nanaketu-kolu beuk-kala.

MAZMUR 133:3

Do sama leo dinis-sa nai Letek Hermon-na, fo ana kona leo pupukuk Sion-nala lain neu. Nai naa, Manetualain nakona baba'e-papalan, fo maso'dak losa dodoon-na.

LUKAS 12:18

Basa boema, ana dodoo seluk ma nafa'da nai dale na nae, ‘Naa, au hapu enok. Au mamana pepe'da nana'a ngala, neukose au adenus fo ala bongahenis fo au tao amatua selu kasa, fo daenga au pe'da basa au gandu mala, ma hata-heto fe'e ngala leu dalek.

MATEOS 6:26

Mete su'dik manupui manai lalai la. Ala ta tao tina-osi, ala ta ketu-kolu, ma ha'de soka ta kala boe, tehu emi Amam manai nusa so'da ka bei nakaboboi naheles tunga faik! Ade emi beli ma ta ba'ulena manupui sila fa do?

IMAMAT 25:21

Nai teu ka neen-na dalek, neukose Manetualain ba'e-pala dae-a, nalosa buna-boan dai soaneu teuk telu.

HAGAI 2:19

Leomae ta ela gandum, ma ai angol, ma ai kaak, ma ai dalima, ma ai setun fo beita laboa fa, tehu mulai hatematak ia, neukose Au ba'e-pala emi!”

MAZMUR 144:13

Ela leo bee-na, ita gudang-ngala henuk no nana'a-nininuk. Ela leo bee-na, bi'ilopo manai ita moon-nala ala bongi, fo anan-nala losa lifu-lifun.

2RAJA-RAJA 6:27

Boema, Manek-ka nataa nae, “Metema Manetualain ta tulu-fali o fa soona, hapu nai bee, au bisa tulu-fali o? Au gandum ma angol ta!

MATEOS 13:30

Neme na fo, ala moli lakabubua losa fai ketu-kolu ka soona, de'i fo au afa'da hataholi mana ketu-kolu la, fo ala fe'a lakahuluk fii la, fo ala puputus, basa soona, hotu henis. Basa ndia soona, besa ka lakaduduluk gandu ma la fo tadais leo soka dale neu.’ ”

MAZMUR 44:4

Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

ULANGAN 15:4

Emi Manetualaim-ma, neukose Ana fe emi baba'e-papalak, nai nusak fo emi Manetualaim-ma neu emi. Soona nai emi leoinam-ma dalek, neukose ta hapu hataholi nuu taa-hata taak fa,

ULANGAN 28:7

Metema musu-a, ana sapu-na emi soona, neukose Manetualain sengi emi musum-ma. Neukose ala mai latee-latati no napalanik, tehu lalai tu'u-fo'a.

ULANGAN 28:20

Metema, emi tao tatao-nono'i mangalauk, ma emi ta sipok Manetualain fa soona, neukose Ana fe soe, napokak, ma toto'a-tataak-ka, nai basa hata lala'en fo, emi tao-no'ik-ka dalek, nalosa ka'da nai fai nggenggeloanak esa mesak-kana, Ana tao namate-namopo la'iesak emi.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 128:2

Neukose, o mu'a neme o ue-le'dim buna-boan mai, ma o so'dam-ma tetu-temak ma so'da-molek.