ULANGAN 28:51 - Susula Malalaok Hehelu Palak Ma Hehelu Beuk

⁵¹ Neukose la'aheni emi bana-manum, ma emi dae-oem buna-boan, ma ala ho'ileni la'iesak emi gandum, angol, mina setun, do emi sapim ma emi bi'ihii bi'ilopom-mala, losa emi mate mo la'as-sa.

ULANGAN 28:51 Referans Kwoze

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

YESAYA 62:8

Manetualain helu basa pake soo-supak so, de neukose, Ana tao natetun nenik koasan-na: “Neukose, Au ta fe seluk o gandum-ma, leo musu-a neu so'on; hataholi nusa dea-la, neukose ta linu seluk o angol fo, emi ketu-seun no sosota-mamanguk fa.

YESKIAL 12:19

Mafa'da basa leoina lala'en-na, hata fo Au, Fo Manetualain Mandemaina nafa'dan neu laun Yerusalem fo bei manaleo nai sila nusan-na. Neukose ala dele too-too nai lelek sila la'a, ma ala dele ngge'be-ngge'be no bibii-namata'uk-ka, nai lelek sila linu. Sila daen-na, neukose ana da'di dae tokotiik, nana basa hataholi manaleo nai ndia, ala la'olena Au hoholo-lalaneng nakandondoo henin.

YEREMIA 17:3

ma nai letek-kala fo nai kota deak. Nanahu basa mamana nakaluku-nakatele sosongok-tatangok fo emi mapadedeik basan nai basa nusa lala'en-na, nanahu basa sala-singok fo emi tao-no'ik-kala, hu ndia de neukose Au tao emi musum-mala kalo leni basa emi hata-hetom-mala ma emi su'i-betem-mala.

YEREMIA 15:13

Manetualain nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

ULANGAN 28:50

Hataholi sila-la, mangalaun-na seli, ma ala ta lanuu dale susuek soaneu toulasik-inalasik ma ni'iana-la boe.

ULANGAN 28:52

Neukose, ala sapu-la basa kota manai nusak fo, emi Manetualaim-ma fen neu emi ndia, nalosa ala tao lakalulutuk papala nanadamak mademaina fo, emi mamahenak sila-la.

YESKIAL 25:4

Hu ndia de, Au po'ilotak emi, fo leoina-kala leme moo solokaek Dulu mai, fo ala sengi emi. Neukose, ala lapadedeik sila uma ofun-nala, nai emi nusam-ma, fo ala leo lahele leme ndia. Neukose la'a emi ai boam-mala, ma linu emi bana-manum su'uoen-na.

2RAJA-RAJA 25:10

Boema, basa solda'dun-nala tao lakalulutuk kota ndia papala nanadaman-nala.

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.