ULANGAN 28:16 - Susula Malalaok Hehelu Palak Ma Hehelu Beuk

¹⁶ Sosoo-susupak ba'eneu emi kotam-mala, ma emi tinam-mala.

ULANGAN 28:16 Referans Kwoze

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

YOEL 2:3

Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.

YOEL 1:4

Lama bubuak fo ta leke-nala dede'un-na fa, ala tai lai tina-la, fo la'a heni buna-boan. Lama bubuak ia na'a ela beek soona, lama bubua fe'ek-kala la'a heni seluk-kasa.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

AMSAL 3:33

Manetualain supa-soo hataholi mangalauk-ka uman-na, tehu Ana ba'e-pala hataholi manatungan-nana, uman-na.

MALEAKHI 4:6

Neukose ana tao-na amak-kala ma anak-kala dalek esa, fo ela Au boso mai tao amopo-amate emi nusam-ma.”

RATAPAN 5:10

Ami doi-doso no la'a-ndoes-sa, nalosa ami loum-ma pila lo'a-lo'a sama leo ha'ikaak-ka.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

YEREMIA 26:6

Metema emi malanga batu mahele soona, uma mamasok ia neukose Au taon sama leo Silo, de nalosa basa leoina manai daebafak-ka pake kota Yerusalem ia na'den-na da'di leo soo-supak.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

1RAJA-RAJA 17:12

Boema inafalu ndia nataa nae, “No Manetualain fo maso'dak-ka, na'den-na, fo hataholi Israel-la Manetualain-na, fo au soo ae au loting ta. Au anuu ka'da ha'desopuk la'uk esa nai mango dale, ma mina setun faa anak nai boto dale. Au bei hehele ai ha'i fo au do'de-nasu ha'desopu faa anak ndia, fo daenga au o au anang-nga mi'a. Ami nana'a mate'e ma nde ndia so; basa ndia soona, neukose ami mahani ka'da mamates sa mamain.”

1RAJA-RAJA 17:5

Elia tunga Manetualain paletan ndia, de neu leo lee anak Kerit a neu, boema nafuni neme ndia.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

KEJADIAN 5:29

Lamek nae, “Ni'iana ia, neukose lui namada'u bela-ba'uk nai lelek ita pusen-na ti'ti, no foi-fala dae fo, Manetualain soo-supak-ka.” Hu ndia de, Lamek foi ni'iana ndia na'de Noh.

AYUB 24:18

Boema Zofar nafa'da nae, “Faa ba'u neni hataholi mangalauk-ka, Manetualain soo-supa dae-oen; besak ia, osi angol-na, nee-nee lino-linok; ta hapu hataholi, naue-nale'di nai ndia so'on.

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”