ULANGAN 28:13 - Susula Malalaok Hehelu Palak Ma Hehelu Beuk

¹³ Neukose emi Manetualaim-ma, tao emi da'di mauli-malangan nai leoinak-kala tala'da, te Ana ta fe emi da'di manatunga dea fa. Metema, no dalek-katematuak, emi tunga basa Manetualain paletan lala'en fo, faik ia au fen neu emi-a soona, neukose emi boetai maso'da no tetu-temak, nakandondoo henin.

ULANGAN 28:13 Referans Kwoze

ULANGAN 28:1

“Metema, emi tunga emi Manetualaim-ma, ma faik ia, au fe emi paleta lala'en-na, emi tao-no'in no emi dalek-katematuam-ma, soona neukose, Ana taon-na emi da'di leoina esa, nananita-nalelak nai daebafak-ka.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

ULANGAN 15:6

Neukose emi Manetualaim-ma, Ana fe emi baba'e-papalak, sama leo hala hehelun-na. Neukose, emi fe leoina makadotok, tona emi doim-ma, tehu neukose emi ta tona doik fa; neukose emi koasa leoina makadotok, tehu neukose ala ta koasa emi fa.

ULANGAN 26:19

Neukose Manetualain taon-na emi, mamade'u lena heni leoina fe'ek fo, Ana nakadada'dik basak-kala so, ma neukose emi nanakoa-nanakiok, ma nanafe ha'da-holomata. Emi da'di, emi Manetualaim-ma ana nanahelen, sama leo hala hehelun-na.”

ULANGAN 28:43

Hataholi nusa dea fo, manaleo manai emi nusam-ma, neukose ala boetai hapu koasa, tehu emi koasam-ma, ana boetai loe leo dae neu.

ULANGAN 28:44

Sila madoik-kala, fo ala fe emi tona-asa, tehu emi ta hapu hata esa boen fo, emi fe sila tona-asa. De neu mate'en-na, ala koasa emi.

YEREMIA 31:7

Manetualain nafa'da nae, “Makamee no namahoko-setelek ba'eneu Israel, fo Au anang-ngala – leoina fo makasososak nai basa leoina lala'en-nan-na. Makame-makame kokoa-kikiok ma tui-benga mae: ‘Manetualain soi-po'i hataholin fo bei elak-kala neme anan-nala mai.’

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”