ULANGAN 28:12 - Susula Malalaok Hehelu Palak Ma Hehelu Beuk

¹² Neukose tunga teuk, Manetualain fe u'dan-na mai nandaa no fain-na. Neukose Ana fe baba'e-papalak neu emi ue-le'dim lala'en-na, nalosa leoina makadotok, ala mai tona-asa nai emi, tehu emi ta bole fes ala tona-asa fa.

ULANGAN 28:12 Referans Kwoze

ULANGAN 15:6

Neukose emi Manetualaim-ma, Ana fe emi baba'e-papalak, sama leo hala hehelun-na. Neukose, emi fe leoina makadotok, tona emi doim-ma, tehu neukose emi ta tona doik fa; neukose emi koasa leoina makadotok, tehu neukose ala ta koasa emi fa.

ULANGAN 15:10

Fen no dalen-na namahokok, ma boso no nakasetik, soona neukose emi Manetualaim-ma, fe baba'e-papalak neu emi ue-le'dim lala'en-na.

ULANGAN 11:14

Metema eni tao leondiak, soona la'e fain-na te, neukose Manetualain fe emi daem-ma, u'dan nai lelek emi ketu-kolu basa, ma nai lelek emi mulai sele-nggali. Soona, neukose emi hapu gandum, angol ma mina setun, dai emi mi'a-pake,

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

AMSAL 22:7

Hataholi kamasu'i-makabetek-ka, ana koasa hataholi nuu-taa hata-taak-ka; hataholi manafe totonak-ka, ana koasa hataholi manatonak-ka.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

MAZMUR 135:7

Ana fe ko'as-sa mai, neme daebafak-ka pe'dan-na mai, ma Ana tao ndelas-sa, soaneu u'dan-na Boema Ana paleta anin-na, fo daenga ana kalua neme, mamana pepe'dan-na mai.

ULANGAN 28:44

Sila madoik-kala, fo ala fe emi tona-asa, tehu emi ta hapu hata esa boen fo, emi fe sila tona-asa. De neu mate'en-na, ala koasa emi.

AYUB 38:22

O donge-dama hai Au mamana pepe'dang, fo salju no u'da batu-a mamananan-na,

ULANGAN 28:24

Neukose, Manetualain ta fe u'da oe fa, te Ana fe u'da afu ma solokaek, losa mate-mopo la'iesak emi.

1RAJA-RAJA 18:1

Basa faik de'ubee dalen-na fo nai fai hanas ndia teuk-ka telun-na, Manetualain nafa'da Elia nae, “Muu mataa Mane Ahab-pa, nanahu ta dook-ka so'on te neukose Au fe u'dan-na leo daebafak-ka neu.”

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.