ULANGAN 28:11 - Susula Malalaok Hehelu Palak Ma Hehelu Beuk

¹¹ Neukose Ana ba'e-bati fe emi, anak makadotok. Neukose emi bana-manum makadotok, ma emi dae-oem buna-boan sasi kao-kao nai nusak fo, emi Manetualaim-ma helu basan neu emi bei-ba'i kaim-mala, soaneu Ana fen neu emi.

ULANGAN 28:11 Referans Kwoze

ULANGAN 30:9

Neukose emi Manetualaim-ma, fe emi tutunga-sasangam lala'en-na, neni buna-boak fe emi; neukose emi anam makadotok, ma emi bana-manum makadotok; ma emi tinam-mala, buna-boan sasi kao-kao. Manetualain namahoko, de Ana fe emi maso'da no tetu-temak, sama leo Ana namahoko, de Ana fe tetu-temak neu emi bei-ba'i kaim-mala boe.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

ULANGAN 28:4

Baba'e-papalak ba'eneu emi, nalosa emi anam makadotok, emi dae-oem buna-boan sasi kao-kao, ma emi sapim-mala boema emi bi'ihii-bi'ilopom-mala lamade'u.

IMAMAT 26:9

Neukose, Au ba'e-pala emi, ma Au fe emi upu-anak makadotok. Hata fo Au helu basan neu emi, tao leo bee o, Au tao atetun.

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

AYUB 19:17

Au saoinang-nga, ana malua hae, au hahaeng-nga boon-na, au tolanoo bonging-nga, ana ta nau deka au fa.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.