ULANGAN 27:19 - Susula Malalaok Hehelu Palak Ma Hehelu Beuk

¹⁹ ‘Nanasoo-supak ba'eneu hataholi fo, ana natona-na hataholi nusa dea, faluina anamaak hak-ka.’ Hataholi Israel-la lataa lae, ‘Tete'ek-ka!’ ‘Amin!’

ULANGAN 27:19 Referans Kwoze

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

AMSAL 17:23

Manakee-manafula fo ta tao tunga ndoon-na fa, ana sipo doi sosolo dalek no nafufunik ma ta nakalala'ok ndoos ma matetuk-ka fa.

MIKHA 3:9

Mamanene au hala-kokolang ia-la leon, hai emi manakoasa Israel fo ta hii ndoos ma matetuk-ka ma manapo'de nasafali ndoos-sa.

AMSAL 31:5

Nana, metema manek-ka ninu ala-lalu soona, neukose nafandele heni hoholo-lalanek, ma ana ta taoafik neu hataholi tapandoes-sa fa.

KELUARAN 23:2

Boso tunga hataholi ba'u, metema ala tao salak do ala ta tunga hoholo-lalanek no matetun-na nenik ala fe sakasii pepekok.

IMAMAT 19:33

Boso tao ta malole neu hataholi nusa dea manaleo nai emi nusam-ma.