ULANGAN 27:15 - Susula Malalaok Hehelu Palak Ma Hehelu Beuk

¹⁵ Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 27:15 Referans Kwoze

KELUARAN 34:17

Boso tao lamatua fe'ek neme liti mai, fo sene-do'ok neun.

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

ULANGAN 5:8

Boso doki-dulak dodoki-dudulak fo nalupa su'di hata beek nai lalai, nai daebafak-ka, do nai oe dale, fo nai daebafak-ka buin-na.

IMAMAT 26:1

Manetualain nafa'da nae, “Boso tao sosongo-tatangok do mapadedeik dodoki-dudulak, do dii batu nanadoki-dulak fo sene-do'ok neun. Au nde emi Manetualaim-ma.

IMAMAT 19:4

Boso sene-do'ok neu sosongo-tatangok. Boso tao dodoki-dudulak neme liti mai, fo sene-do'ok neun. Au nde emi Manetualain.

1 KORINTUS 14:16

Nana metema emi moke makasi neu Manetualain, ninik emi dula dale ma mesa kana, ma hapu hataholi fe'ek fo ta nalelak dede'a matabeuk fo maneme Manetualain Dula Dale na mai ndia fa soona, hataholi ndia ta hapu nafa'da nae, “Amin”, neu o huhule-haladoi makasim ndia, nana ana ta bubuluk hata fo emi mafa'da ka fa.

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

2TAWARIKH 33:2

Ana nasala-nasingo neu Manetualain, nanahu ana tunga ha'da-tatao mangalauk neme leoina fo Manetualain usihenis leme Kanaan mai, nai lelek Israel masok nusak ndia.

2RAJA-RAJA 23:13

Boeo, ana tao nanggenggeo basa mei tunu-hotuk manai Yerusalem boboan dulu, fo nai Pupukuk Mangalauk-ka boboan kona. Mane Salomo-a, tao mei tutunu-hohotuk sila-la, fo ana sene-do'ok neu lamatua daebafak nanamaluak ndia – fo nde Asytoret, fo leoina Sidon-na, lamatua inan-na, Kamos, fo leoina Moab-pa, lamatua daebafan-na, ma Milkom, fo leoina Amon-na, lamatua daebafan-na.

2RAJA-RAJA 17:19

Hataholi Yehuda-la boeo, ta tunga sila Manetualain hoholo-lalanen-nala fa. Ala tunga hataholi Israel-la, ha'da-tataon,

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.

ULANGAN 29:17

Emi mita basa hataholi sila-la, dodoki-dudula sosongo-tatangon nanamaluak fo, nanadoki-dulak neme ai, batu, lilofulak ma lilopilas-sa mai so.

BILANGAN 5:22

Oe fo maneni soo-supak ia, neukose ana masok leo o teim dale neu, fo ana tao-na o teim-ma natafuu, ma ana tao-na o puu huum-ma, loun-na kukulu.” Soona inak ndia muse nataa nae, “Au sipok; de sa'di leo been-na, Manetualain taon leondiak.”

KEJADIAN 31:34

Ndia te, Rahel ho'i-na dodoki-dudulak ndia, de ana taon leo alukosu manai onta, ne'a sa'e ndalan dale neu, de nangatuuk neu lain. Laban nggale'da basa Rahel lalaa teman dale lala'en-na, tehu ana ta hapu dodoki-dudulak ndia fa.

KEJADIAN 31:19

Nai lelek ndia, Laban nai mook-ka, fo ana bei nggute bi'ilopon-nala bulun-na, ma nai lelek ndia nde, Rahel namanakon-na, aman dodoki-dudulan fo manamasulu-mahapa teidalek-ka.

KEJADIAN 9:25

nafa'da nae, “Kanaan nanasoo-supak! Neukose, ana da'di ata nakamumulu-nakamamaek nanseli, ba'eneu tolanoon-nala.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

YEREMIA 28:6

“Malole so! Sa'di leo been-na o neuk sila-la da'di mata-nitak, ma te'e-te'e Manetualain neni falik neme Babel-la mai Manetualain Uman-na hata-heton ma no basa hataholi fo nanatu'u-tapak lo naa neu-a.

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

YEREMIA 11:3

Au, fo Israel Manetualain-na, soo-supa neu see ndia fo ana ta nau tunga Au hehelu-hoholong dia eno-dalan fa.

YESAYA 44:19

Manatao dodoki-dudulak ndia, ana ta dodoo losa, “Au hotu ai sila-la seli, de au pake kaan-nala soaneu tunu loti, ma dala paa, fo au u'a. Boema, bei ela ai sila-la, au taon da'di dodoki-dudulak. Da'di besak ia, au sene-do'ok neu ai bibiak esa.!”

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

DANIAL 11:31

Boema ana haitua solda'du-la leu tao langgenggeo Manetualain Uman-na. Neukose ala lose heni tutunu-hohotu fai-faik-ka de napadedeik-na hata esa nakatata'u nanseli, fo loken lae Mangalauk fo manatao nakalulutuk.

YESKIAL 14:4

Hu ndia de, mafa'da mae Au, Manetualain Fo Mademaina, helu nai leo ia, ‘Ba'eneu hataholi Israel fo, ana nase'o basa so'dan-na neu sosongo-tatangok-ka so, ma ana po'ilotak aoinan-na tu'da leo sala-singok-ka dale neu, boema ana mai noke nanoli-nafa'dak neme nabi esa mai soona, neukose Au nde ataan nenik natataak fo nandaa, ba'eneu sosongo-tatangok makadotok sila-la!

ULANGAN 27:14

Hataholi Lewi-la, muse ala kokolak dede'ak ia-la, no lapane'e halan-nala, ma hataholi Israel-la, muse lataa lae, Tete'ek-ka, ‘Amin’.

1 TAWARIKH 16:36

Koa-kio Amak, fo Israel Manetualain na, besak ia losa dodoon-na! Basa boema basa hataholi Israel-la lala'en-na lafa'da lae, “Tete'ek ka”, boema ala koa-kio Manetualain.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

ULANGAN 4:25

Boeo mahani te, metema emi leo dook-ka nai nusak ndia, ma emi maupu-maanak soona, boso tao sala-singok, nanahu emi tao dodoki-dudulak nai lupak matak leo beek-ka boe. Tatao-nono'ik ndia nde been-na, tatao-nono'i mangalauk esa, nai emi Manetualain-ma mata memeten-na, de neukose namanasa.

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

HAKIM-HAKIM 17:3

Mikha fe falik doik sila leo inan neu, boema inan nae, “a Anang-ngonei, ela leo been-na, o matapo'i meme au soo-supang ndia mai, fo au tunu-hotu fe Manetualain doi fulak ia-la, fo paken soaneu tao dodoki-dudulak neme ai mai, soona nakadiditak-ka nenik do fulak. Da'di, au fe falik doik sila-la leo o neu.”

HAKIM-HAKIM 17:4

Mikha fe falik basa doik sila-la leo inan neu boema, inan ho'i-na doik sila-la 200, de ana fen leo tuka lilofulak esa neu. Boema, nadenu tuka ndia, tao dodoki-dudulak esa, neme ai mai, fo nakadiditak-kana nenik doi fulak sila-la. Basa boema, ana pe'da ai nanadoki-dulak ndia neu Mikha uman.

YESAYA 44:13

Tuka ai-a, ana uku ai. Ana dulak dodoki-dudulak lupan-na nenik ha'o, basa boema, ana doki-dulak-kana nenik ndia fela-dopen, de ana taon da'di hataholi daebafak mata-makeek-ka, dodoki-dudulan, boema ana pe'dan neu uman dale.