ULANGAN 24:13 - Susula Malalaok Hehelu Palak Ma Hehelu Beuk

¹³ tehu tunga-tunga le'odaen-na, muse fe falik-kana, fo ela ana sungu soona, ana pake. Soona neukose, ana noke makasi, fo emi Manetualaim-ma, neukose dalen-na namahoko neu emi.

ULANGAN 24:13 Referans Kwoze

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

ULANGAN 6:25

Metema no lilinekak, ita tunga basa paleta lala'en fo, ita Manetualain paletan neu ita, soona neukose Ana sue-lai ita.’ ”

ULANGAN 24:15

Tunga faik, fo le'do beita temak fa te, emi muse bae ngga'din faik ndia dalen-na; ana namahena doik ndia, nanahu ana paluun. Metema, emi ta bae ngga'din-na fa soona, neukose ana naloo bou-bou neu Manetualain fo, noke tutulu-fafalik soaneu emi, fo emi da'di hataholi masala-masingok.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

EFESUS 4:26

Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

AMOS 2:8

Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

YESKIAL 18:12

Ana hii ke'di-ndiu, hataholi nuu taa-hata taak-ka, namanako, ana besila-na, hataholi mahutak-kala bua pepe'dan soaneu hutan-nala. Neu leo hataholi dinitiu-la uma sosongon-na, ma ana sene-do'ok neu sosongo-tatangok fo nanamaluak-kala.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

YESAYA 58:8

Soona, neukose mangale'dok-ka, ana tii ba'eneu emi, sama leo dulu fula, ma neukose emi bisum-mala, ala lea-hai no lai-laik. Neukose, Au sama-sama o emi, fo Au soi-tefa emi. Neukose Au asulu-ahapa emi, neme bu'u-bu'uk lala'en-na mai.

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

KEJADIAN 15:6

Abram namahele neu Manetualain, hu ndia de, Manetualain sipok-kana da'di leo hataholi fo nandaa no dalen-na.

YESKIAL 18:16

do ana tuni-ndeni, do namanako su'di beek-ka. Ana fe falik hataholi mahutak-kala bua pepe'dan soaneu hutan-nala. Ana fe hataholi kamala'ak-kala, la'a, ma ana fe hataholi ba'du tak-kala, bua papakek.

ULANGAN 24:12

Metema, hataholi ndia nuu taak-hata taak soona, o ta bole pe'da ba'du ndia losa le'odae katemak esa fa,

KELUARAN 22:25

Metema, emi tona doik neme hataholi nuu-taa hata-taak esa, nai Au leoinang dale soona, boso tao sama leo hataholi manala'ok huta-bu'uk-ka, fo noke bunak.