ULANGAN 23:8 - Susula Malalaok Hehelu Palak Ma Hehelu Beuk

⁸ Neme bobongi ka telu-a, losa bobongik manamaik-kala, ala bole da'di Manetualain anan-nala so'on.”

ULANGAN 23:8 Referans Kwoze

ULANGAN 23:7

Boso makadadaek hataholi Edom-mala, nanahu emi tolanom sila-la. Boeo, boso makadadaek hataholi Masir-ra, nanahu emi leo hai neme sila nusan-na so.

ULANGAN 23:9

“Metema, emi meu matee-matati soona, emi muse madook emi aoinam-ma, neme basa tatao-nono'i manggenggeok lala'en-na mai.

KEJADIAN 25:25

Uluk-ka dulan-na pilabalanggeok, ma loun-na sama leo ba'du manalu kabubulus-sa. Hu ndia de, ala foin na'de Esau.

KEJADIAN 25:26

Lelek fo bongi ana ka dua mai te, liman-na ho'u Esau eitingan-na. Hu ndia de, foin na'de Yakob. Nai lelek Isak teun neehulu, boema bongi duas.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

ULANGAN 10:19

Soona, emi boeo, muse matu'du emi susue-lalaim, neu hataholi nusa dea sila-la, nana makahulun-na, emi hataholi nusa dean-nai Masir boe.

SEMUEL SUSULAK-KA ESAN-NA 30:11

Nai leleo-lala'ok ndia dalek, Dauk solda'dun-nala latongo loo ni'iana touana Masir esa, neme mook-ka mai, boema loon leo Dauk neu. Ala fen na'a-ninu,

1RAJA-RAJA 3:1

Mane Salomo-a tao Masir da'di ndia tia-lain nenik ana saon-na mane Masir-ra anafe'on-na. Salomo no anafe'oanak ndia leu leo kota Dauk ka neu fo ana lao nai ndia losa uma manek-ka ma Manetualain uman-na boema kota musu manaokofefeo na Yerusalem ma, nananafofo'a basak.

EZRA 9:1

Tao basa hata sila-la lala'en-na boema, leoina lasi Israel de'ubee, ala mai leo au mai. Lafa'da lae laun Israel-la, fo basa imam-mala lai dalek boe, ma hataholi Lewi-la, ala leo lakabubua loo leoina manaleo lai titia-tatain sila la, fo nde leoina Amon, Moab, Masir, Kanaan, Het, Feris, Yebus, ma Amori. Nakalenak, basa imam-mala, ma hataholi Lewi-la, ala tao leondiak boe. Sila basa-basas tao tatao-nono'i manggengeok, fo leoina sila-la tao-no'ik-ka.

OBAJA 1:10

“O tao balakaik neu o tolanoom-mala, fo Yakob tititi-nonosin-nala so. Hu ndia de neukose mopo-mate o, ma hataholi nakamu-nakadau o losa dodoon-na.