ULANGAN 23:6 - Susula Malalaok Hehelu Palak Ma Hehelu Beuk

⁶ Nai emi fai maso'dam-ma dalek, boso tulu-fali leoina sila-la, ma boso fes laso'da no tetu-temak.

ULANGAN 23:6 Referans Kwoze

EZRA 9:12

Nabi sila-la kena-ka'i ami, fo boso sao sese'do-babalik moo hataholi sila-la, do tulu-falis, fo lamasu'i-lakabete, ma so'da-molek. Metema, ami tunga soona, neukose ami da'di balakaik, ma ami mi'a mita dae ndia buna-boan, boema ami ba'e-bati elan, neu ami tititi-nonosim, losa dodoon-na.

2 SEMUEL 12:31

Fe'ek neme ndia mai, ana foo neni laun-nala, de nadenus ho'i leni hoholok, tata'tis, ma taka besi, fo nadenus tao bela-ba'uk nai mamana tao batu bata boe. Laun manai Amon kota fe'en-nala boeo, ana tao taos leondiak boe. Basa ndia boema, Dauk no solda'dun-nala lala'en-na, fali le'us leo Yerusalem leu.

2 SEMUEL 8:2

Dauk sengi hataholi Moab-pala boe. Nadenus fo langape'uk lakandondoo leu dae lain, boema, metema hapu hataholi telu nai mamanak esa soona, ana taonisa hataholi dua. Da'di, hataholi Moab-pala lakatele neu Dauk, de ala bae bea leo Dauk neu.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

BILANGAN 24:10

Balak kukumu liman-na no nasak, de nafa'da Bileam nae, “Au aloo o mai, soaneu supa-soo au musung-ngala, te se'kona, o fes baba'e-papalak losa la'i telu.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”