ULANGAN 23:23 - Susula Malalaok Hehelu Palak Ma Hehelu Beuk

²³ Tehu metema, emi tao hehelu-balataak moo emi Manetualaim-ma, tunga emi dale hihii-nanau mesam-ma soona, emi muse tao matetun.

ULANGAN 23:23 Referans Kwoze

AMSAL 20:25

Beita maheluk fe Manetualain tutunu-hohotuk fa te, dodoo matalololen dei. Bole da'di, neu fai makabuin te, neukose o masasale dale.

HATAHOLI 23:21

Tehu Ama boso tunga hataholi sila la nonoken ndia, nana hataholi hahulu lenak leu lahani Paulus nai eno tala'dak. Hataholi sila basa-basas soo-supa basa lae, ta la'a linu fa, metema ala beita taolisa Paulus fa. Besak ia lahehele aon basa so, te bei lahani ka'da Ama hala natataa na.”

HATAHOLI 23:12

Balahaa fafaik boema hataholi Yahudi la tao nakabua makahatuk. Ala soo-supa lae, metema ala beita taolisa Paulus fa soona ta la'a linu fa.

MAZMUR 116:18

Neukose au tao atetu au hehelu-balataang neu Manetualain, nai anan-nala lala'ena matan,

SEMUEL SUSULAK-KA ESAN-NA 14:24

Nai faik ndia, hataholi Israel-la beemale ma lamala'a, nana Saul soo-supa basa nae, “Metema au beita balas au nape'da daleng-nga neu au musung-ngala fa soona, nanasoo-supak ba'eneu hataholi fo na'a su'di beek-ka nai faik ia.” Hu ndia de, nai faik ndia dalen-na, hataholi esa boeo, ta na'a fa.

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”

BILANGAN 30:2

Metema touk esa fe nasar, do naheluk no Manetualain nenik soo-supak, nalosa ana pa'a aoinan-na neu hehelu-balataak esa, soona muse ana tao natetu hehelu-balataan ndia, fo ta bole nalelesi seluk hala-kokolan-na fa.

HAKIM-HAKIM 11:35

Leondiak Yefta nitan boema, Yefta dalen-na he'dis nanseli, nalosa ana sii-sii lulu'i ba'dun-na, ma nae, “Awii, anang-ngonei, au daleng-nga nakalulutuk! Tao le'e de, o taom-ma au daleng-nga he'dis-sa? Au soo-supa basa neu Manetualain so, de au ta hapu hela falik-kana so'on!”

MATEOS 5:33

“Emi bubuluk basa, ita bei-ba'i kai nala nanoli nala nae leo ia: boso malelesi hala hehelu ka. Hu ndia de metema o helu basa hata esa no sosoo-susupak nai Manetualain matan, soona o muse tao matetun.

ULANGAN 23:22

Metema, emi ta tao hehelu-balataak moo Manetualain fa soona, emi ta masala-masingo fa.

ULANGAN 23:24

Metema, emi la'ok tunga hataholi fe'ek osi angol-na soona, emi bole mi'a angol boak su'di bebe'ik-ka, tehu boso ho'i meni.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

IMAMAT 27:2

nakanenetek ia-la, soaneu leoina Israel-la. Metema, hataholi esa, nanatunu-hotuk soaneu Manetualain, fo soi-na nasar hehelik esa soona, bole soi-na hataholi ndia nenik doik,

YOSUA 9:18

Tehu, hataholi Israel-la ta bisa taolisa fas, nana mauli-malanga Israel-la, soo-supa basa los, nenik hataholi Israel-la Manetualain-na, na'den-na so.

MAZMUR 50:14

Tunu-hotu tutunu-hohotu makasi neu Manetualain leona, tao matetu emi hehelu-balataam neu Manetualain Fo Mademaina.