ULANGAN 22:25 - Susula Malalaok Hehelu Palak Ma Hehelu Beuk

²⁵ Tehu, dede'an-na fe'ek seluk bai, metema touk esa, ana tao tatao-nono'i mangalauk no anafe'oanak esa nai tina dale, te se'kona, hataholi fe'ek adu-natane basa anafe'oanak ndia so. Nai dede'ak ia dalek, ka'da touk-ka mesak-kana, nde muse nanahukunisak.

ULANGAN 22:25 Referans Kwoze

2 SEMUEL 13:14

Tehu, Amnon ta nau tunga fa, ma hu kande ndia balakain-na lena, boema nakaseti fa'din ndia, de ana tao tatao-nono'i mangalauk non.

MATEOS 1:18

Yesus Kristus bobongi na tutui na leo iak. Yesus inan na'de Maria. Beita bongi Yesus fa te, Maria nahiik no Yusuf. Tehu duas beita lakabubua boen te, Maria nailu so. Yusuf ta bubuluk Maria ilun ndia, ana da'di neme Manetualain Dula Dale na koasa na mai fa.

ULANGAN 22:24

Nai dede'ak ndia dalek, ala muse loo duas, leo kota deak neu, fo ala tapas nenik batu, losa mates. Muse taonisa anafe'oanak ndia, nanahu ana ta nggasi, fo noke tutulu-fafalik fa, te se'kona, manada'dik ndia, ana da'di nai kota dale, de ana nggasi soona, hataholi-la lamanene. Ma muse taonisa touk ndia, nanahu ana sungu no anafe'oanak fo, hataholi fe'ek adu-natane basan so. No hataholi ka duak sila-la mamaten ndia de, emi tao mamopo tatao-nono'i mangalauk ndia.

ULANGAN 22:26

Ta bole tao hata-hata la'e anafe'oanak ndia fa, nanahu ana ta tao tatao-nono'ik esa fo, nandaa nanahukunisak fa. Dede'ak ndia, sama leo dede'ak fo, hataholi esa neu sapu-na hataholi fe'ek boema, ana taonisan.