ULANGAN 22:1 - Susula Malalaok Hehelu Palak Ma Hehelu Beuk

¹ Metema, hataholi esa nai emi leoinam dalek, mopo sapin do bi'ilopon esa, fo emi mitan soona, boso tao nono'kabai, emi ta bubuluk fa, tehu meni falik bi'ilopo ndia, leo mano-nuuk-ka neu.

ULANGAN 22:1 Referans Kwoze

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

AMSAL 24:11

Dalem-ma boso naba'e, soaneu po'i hataholi fo, nananaketu basak, soaneu huku nisan so; soi-tefa-ma, hataholi fo, nanahelak leo mamanak lolonak-ka neu.

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.

MATEOS 15:24

Boema Yesus nataa nae, “Au nananadenuk ka'da soaneu leoina Israe la, lena-lenak soaneu mana sala eno kala.”

MATEOS 10:6

Te meu leo ka'da hataholi Israe la meu, lena-lenak hataholi mana mopo nala.

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

AMSAL 28:27

See tulu-fali hataholi nuu-taa hata-taak-ka soona, neukose ana ta to'a-taa fa. See ta tulu-fali hataholi nuu-taa hata-taak-ka paluun-na fa soona, neukose, ana hapu soo-supak.

IMAMAT 20:4

Metema, laun-na ta'ko ta nita hataholi ndia tatao-nono'in, fo ta naketu hukunisa fan,

1 KORINTUS 9:9

Nai Musa susulan dale nanasulak nae, “Sapi fo ana bei heheta-aa'i gandu ma fo gandu ma de'enala latapo'i leme pule na mai soona, boso pole nggonggolo na.” Tehu ade ka'da sapi a nde Manetualain ta taoafi kana fa do?

ULANGAN 22:2

Metema, mano-nuuk-ka, uman-na nai dook-ka, do emi ta bubuluk mano-nuuk-ka nde see fa soona, meni bana ndia, leo o umam neu. Fo metema, mano-nuuk-ka, ana mai sangan soona, fe falik-kana.

AMSAL 27:10

Boso mafandele heni o tia-laim, do o amam tia-lain-nala. Boso moke o tolanoom-ma tutulu-fafalik, nai toto'a-tataak-ka dalek; uma titia-tataik fo manadekak-ka, sosoa-ndandaan lena neme tolanook manai dook-ka mai.

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.