ULANGAN 21:23 - Susula Malalaok Hehelu Palak Ma Hehelu Beuk

²³ soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.

ULANGAN 21:23 Referans Kwoze

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

YOHANIS 19:31

Basa manakoasa Yahudi la ta nau hataholi nanalona-nggangek sila la popola nala belona lahele leme ainggangek lain nai fai Saba ta, nakalenak oek ia, fai Sabat ndia Fai Matua, fo fai hehelik esa. Nana faik fo lelek Yesus nanalona-nggange ka, ana tu'da la'e beita fai Sabat ndia fa. Boema hataholi Yahudi la loke Pilatus, fo ana fes loak soaneu ala helula'di hataholi nanalona-nggange basak sila la ei nala, fo lakona popola nala leme ainggangek lain mai.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

IMAMAT 18:25

Ala tao la'iesak tatao-nono'ik nanamaluak sila-la, nalosa sila daen-na da'di nanggenggeo. Boema Manetualain hukus, ma Ana ta fes loak, fo ala leo lai naa fa. Tehu emi boso tao tatao-nono'ik sila-la makandondook. Emi basa-basam-mala hataholi Israel, ma hataholi nusa dea manaleo lahele sama-sama loo emi-a, muse tunga Manetualain nakaneneten ma paletan-nala,

ROMA 9:3

nanahu au tolanoong fo leoina esa lo au. Nana hu ka nde sila de, au nau Manetualain soo-supa au ma nanabingaba'ek neme Kristus mai.

BILANGAN 25:4

“Ho'u-ma la'iesak hataholi manada'di malangan neu leoina ndia, fo taomisas nai lea matan, fo da'di natutu'duk nae, Au paletang-nga nananakalala'ok, fo ela Au boso boe, amanasa leoina ndia bai.”

YOSUA 8:29

Ala lona kota ndia manen-nam neu aihuuk esa lain, de ala po'ilotak-kana neme ndia, losa le'donoso. Nai lelek le'do tenak boema, Yosua nadenu hataholi neu ho'i-na popolan-na, de ala tapan neu kota lelesuinan-na matan-na. Basa boema launu batu makadotok nanseli, neu mamanak ndia. Batu sila-la bei lai naa, losa besak ia.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

YOSUA 7:12

Hu ndia de, ala ta lakatatakak lasasalematak loo musu-a fa. Musu sengis, nanahu sila boeo, nanaketu basak, soaneu nanatao namopo-namatek so. Neukose, Au ta nai emi boboam-ma so'on, metema bua-lo'as fo ta bole ho'i fas sila-la, beita tao nakalulutuk-kasa fa.

2 SEMUEL 21:6

Hu ndia de, fe touk hitu neme tititi-nonosin mai, fo ela ami lonas nai Manetualain matan nai Gibea, fo Mane Saul-la kotan-na.” Manek-ka nataa nae, “Hei, neukose au fes leo emi neu.”

ULANGAN 7:26

Boso pe'da-fua dodoki-dudulak sosongo-tatangok esa, nai emi umam dale, fo ela sosoo-susupak fo manatuni-ndeni nalas-sa, boso tuni-ndeni-nala emi boe. Emi muse makamuu-makadau ma malua tatao-nono'ik matak leondiak-ka, nanahu Manetualain soo-supa tatao-nono'ik ndia.”

2 SEMUEL 21:10

Boema Rizpa, fo Saul sao makahatun-na, ana bela si'di kalong neu batu bebelak fo, lakandondoo mamates-sala neme lain-na, de nanea naheles neme ndia. Rizpa ta la'oela mamanak ndia, mulai neme fai keketu-kokolu makasososan-na mai, losa u'dan-mai, fo nai fai hanas-sa. Ana ta fe manupui-la la'a mamates sila-la, nai fai lele'don-na, do bana makaak-kala nai fai le'odaen-na.

YESKIAL 39:12

Hataholi Israel-la, latoi-latono hataholi manamatek sila-la, bulak hitu dalen-na, fo ela dae ndia, boso nanggenggeo seluk bai.

ULANGAN 4:21

Tehu emi Manetualaim-ma namanasa au, hu kande emi, de Ana soo nae, neukose au ta lena leo Lee Yarden-na selik u, fo masok dae maoe-maisik fo neukose, Ana fen neu emi ndia fa.

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

2RAJA-RAJA 10:8

Lafa'da basa Yehu boema, ana fe paleta, fo ela lakatoto'dok langak sila-la, neu bubuak 2 nai kota lelesuinan-na, de ala la'o elas leme ndia, losa fafaik.