ULANGAN 21:22 - Susula Malalaok Hehelu Palak Ma Hehelu Beuk

²² “Metema hataholi esa nanahukunisak, nanahu tatao-nono'i mangalauk esa, fo popolan-na nanalonak nai dii esa lain,

ULANGAN 21:22 Referans Kwoze

HATAHOLI 26:31

Laladeak boema esa kokolak no esa nae, “Hataholi ia ta tao salak hata esa boen fo nandaa hukunisan do taon leo bui dale neu fa.”

HATAHOLI 23:29

Boema ala palisak dede'a na te se'ko na ana ta tao salak hata esa boen fo nadaa huku lisan do taon leo bui dale neu fa. Ala kalaa kana ka'da ana la'olena sila agama na hoholo-lalanen.

LUKAS 23:33

Ala losa mamanak fo loken lae, “Langadui ka”, boema ala lona-nggange Yesus no hataholi mangalauk kaduak sila la, de esa nai Yesus boboa kona na, ma esa seluk nai boboa kii na.

MATEOS 26:66

Besak ia, emi hahapu ma leo beek?” Boema lae, “Hataholi masalak ia de muse huku nisan.”

ULANGAN 22:26

Ta bole tao hata-hata la'e anafe'oanak ndia fa, nanahu ana ta tao tatao-nono'ik esa fo, nandaa nanahukunisak fa. Dede'ak ndia, sama leo dede'ak fo, hataholi esa neu sapu-na hataholi fe'ek boema, ana taonisan.

HATAHOLI 25:11

Metema au la'olena hoholo-lalanek do au tao salak esa nandaa huku nisa au, soona au hii au mate. Tehu metema sila kalaan sila la, ta tete'e ka fa soona, ta bole hataholi esa boen fe au leo hataholi sila la neu fa. Au oke palisak au dede'a nga nai Kese la mana maketu-mala'di nala!”

MARKUS 14:64

Emi mamanene matam, dede'a kokolan fo nakamumulu-nakamamaek Manetualai na so, de besak ia emi nakeketu ma leo beek?” Tutika basa-basas fe nakeketuk lae, Yesus nasala-nasingo de nandaa hukunisan.

2 SEMUEL 21:9

Boema, ala fes leo hataholi Gibeon-nala leu, de ala lona lisa hataholi ka hituk sila-la neme pupukuk esa lain, nai Manetualain matan. Hukulisa hataholi sila-la nai fai timu nate'e, fo nai lelek ala mulai ke'di betek.

2 SEMUEL 21:6

Hu ndia de, fe touk hitu neme tititi-nonosin mai, fo ela ami lonas nai Manetualain matan nai Gibea, fo Mane Saul-la kotan-na.” Manek-ka nataa nae, “Hei, neukose au fes leo emi neu.”

2 SEMUEL 4:12

Basa ndia boema, Dauk paleta solda'dun-nala, fo taolisa Rekhab ma Baana. Taolisas boema, ala te'te-la ei-liman, de ala lolo'en deka no lifu-a. Tehu ala ho'i-la Isyboset langan-na, de latoi-latonon nai kota ndia boe, fo nai Abner mamana loo-laten.

SEMUEL SUSULAK-KA ESAN-NA 26:16

O ta makalala'ok mabe'i, o bela-ba'um fa, Abner! No Manetualain fo maso'dak-ka na'den-na, emi basa-basam-mala mandaa mate, nanahu emi ta manea emi tuam, fo nde Manetualain hele manek-ka fa. So'ba mete su'dik, manek-ka teen-na nai bee. Boto oe fo, na'kasa neme langan-na boboan-na, nai bee?”

YOSUA 10:26

Boema Yosua taonisa manek sila, de ana lona 5-s leu ai lolonak 5 lain. Ala po'ilotak popolan-nala leme ndia, losa le'donoso.

YOSUA 8:29

Ala lona kota ndia manen-nam neu aihuuk esa lain, de ala po'ilotak-kana neme ndia, losa le'donoso. Nai lelek le'do tenak boema, Yosua nadenu hataholi neu ho'i-na popolan-na, de ala tapan neu kota lelesuinan-na matan-na. Basa boema launu batu makadotok nanseli, neu mamanak ndia. Batu sila-la bei lai naa, losa besak ia.

HATAHOLI 25:25

Tehu au ta hapu hataholi ia tao salak hata esa boen fo nandaa huku nisa fan. Ma hu ka nde noke aon fo Kese la mana maketu-mala'di nala nde laketu dede'a na de aketu basa, haituan leo Kese la neu.

BILANGAN 25:4

“Ho'u-ma la'iesak hataholi manada'di malangan neu leoina ndia, fo taomisas nai lea matan, fo da'di natutu'duk nae, Au paletang-nga nananakalala'ok, fo ela Au boso boe, amanasa leoina ndia bai.”

YOSUA 10:27

Nai lelek, le'do-a tenak boema, no Yosua paletan-na, de lakona heni popolak sila, de ala tapas leo leak, fo na'kasa manek sila paken da'di mamana keke'ken-na dalek neu. Basa boema, ala loli batu matuaina-la neu leak ndia bafan-na. Losa besak ia, batu sila-la bei lai ndia.

KEJADIAN 40:19

Nai faik telu dalen-na ia, neukose manek-ka nadenu hataholi te'teheni o langa ma, boema o popola ma nanalonak nai dii esa lain, de neukose manupui la la'a o aoisi ma.”

2 SEMUEL 21:10

Boema Rizpa, fo Saul sao makahatun-na, ana bela si'di kalong neu batu bebelak fo, lakandondoo mamates-sala neme lain-na, de nanea naheles neme ndia. Rizpa ta la'oela mamanak ndia, mulai neme fai keketu-kokolu makasososan-na mai, losa u'dan-mai, fo nai fai hanas-sa. Ana ta fe manupui-la la'a mamates sila-la, nai fai lele'don-na, do bana makaak-kala nai fai le'odaen-na.