ULANGAN 21:21 - Susula Malalaok Hehelu Palak Ma Hehelu Beuk

²¹ Soona, touk manai kota ndia dalek-ka, ala muse tapalisa ni'iana ndia, nenik batu. No enok ndia, emi tao mamopo tatao-nono'i mangalauk ndia. De metema, basa hataholi Israel-la, ala lamanene manada'dik ndia soona, neukose ala bii-lamata'u.”

ULANGAN 21:21 Referans Kwoze

IMAMAT 24:16

ma hukunisan. Su'di see, fo ana soo-supa Manetualain soona, basa salanik-kala lala'en-na tapan nenik batu losa maten. Hoholo-lalanek ndia nanapakek soaneu hataholi Israel-la, ma hataholi nusa dea manaleo lahele nai Israel-la boe.

ULANGAN 22:24

Nai dede'ak ndia dalek, ala muse loo duas, leo kota deak neu, fo ala tapas nenik batu, losa mates. Muse taonisa anafe'oanak ndia, nanahu ana ta nggasi, fo noke tutulu-fafalik fa, te se'kona, manada'dik ndia, ana da'di nai kota dale, de ana nggasi soona, hataholi-la lamanene. Ma muse taonisa touk ndia, nanahu ana sungu no anafe'oanak fo, hataholi fe'ek adu-natane basan so. No hataholi ka duak sila-la mamaten ndia de, emi tao mamopo tatao-nono'i mangalauk ndia.

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.

ULANGAN 17:5

soona muse tapa hataholi masalak ndia, nenik batu losa maten.

IMAMAT 20:2

nafa'da dede'ak ia neu leoina Israel-la nae, “Hataholi see, fo nai emi dalek, do hataholi nusa dea, fo ana leo nahele no emi, metema ana tunu-hotu anan-na soaneu nitu Molokh-ka soona, basa laun-na lala'en-na, muse tapan nenik batu losa maten.

IMAMAT 20:27

Touk do inak see, fo ana kokolak no hataholi manamatek samanen-na soona, muse tapan nenik batu, losa maten. Hataholi ndia mate, hu kande salan-na.”

IMAMAT 24:14

“Moo hataholi ndia leo mamana ofuk-ka deak neu. Basa hataholi fo lamanenen ana soo-supa, muse ala lalaa liman-nala neu hataholi ndia langan lain, fo ala sakasii, lae hataholi ndia nasala. Soona basa hataholi-la tapan nenik batu, losa maten.

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

BILANGAN 15:35

Boema Manetualain nafa'da Musa nae, “Muse hukunisa hataholi ndia. Muse no hataholi ndia leo lalaa oofuk-ka deak neu, fo basa hataholi Israel-la lala'en-na, muse tapan nenik batu, losa maten neme ndia.”

BILANGAN 15:36

Boema basa-basas loson leo lalaa oofuk-ka deak neu, de ala tapan nenik batu losa maten, sama leo Manetualain paletan-na.

ULANGAN 21:20

Ina-aman muse lafa'da, lasi nggolok manai kota ndia lae, ‘Ami anam ia, nalanga batu, ma ana ta nau tunga ami paletam-ma fa; boema ana hii ka'da didilo-dodolo tali-doik ma ana hii ka'da mafuk ala-lalu.’

2 SEMUEL 18:17

Basa boema, ala ko'o-la Absalom popolan-na, de ala tapan leo oedolu esa dalek neu, nai nula dale. Boema, lakadofu ketu oedolu ndia nenik batu, losa nadodou leo lain neu. Basa solda'du Israel-la lala'en-na lalai, de esa-esak fali ne'un leo uman neu.

KELUARAN 21:17

See supa-soo aman do inan soona, muse hukunisan.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

ULANGAN 13:12

Mahani te, metema emi leo nai, emi Manetualaim-ma fe emi kota-la soona, neukose halak-ka nakapepela

ULANGAN 17:7

Basa sakasii-la, nde tapa batu makasososak-ka neu hataholi ndia, fo besak-ka laun-na lala'en-na. No enok ndia, emi hapu tao mamopo, tatao-nono'i mangalauk ndia.

AMSAL 30:17

Hataholi fo, ana hakinonoli ina-aman fo lamalasi so, nandaa tapan leo deak neu, fo manupui kaa, ana tutu matan-na, fo manupui kaka'ka, na'a popolan-na.