ULANGAN 20:16 - Susula Malalaok Hehelu Palak Ma Hehelu Beuk

¹⁶ Tehu metema, kota sila-la, nai emi Manetualaim-ma fe emi nusak-ka dalek soona, emi muse taomisa la'iesak laun-nala.

ULANGAN 20:16 Referans Kwoze

YOSUA 11:14

Ala taolisa la'iesak kota sila-la laun-nala; ala ta po'ilotak hataholi esa boen, naso'da fa. Tehu, basa bua-lo'a kabelin-nala ma bana-manun-nala, hataholi Israel-la ho'i-lalas da'di sila nuun.

BILANGAN 33:52

emi muse usi heni nusak ndia, laun-nala lala'en-na. Taom-makalulutuk la'iesak sila sosongo-tatangon, fo ala taon neme batu ma liti-a mai, boema sila mamana sosongo-tatangon-nala.

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 10:28

Faik ndia Yosua neu sapun-na Makeda, de ana sengi kota ndia no manen-na. Ana taonisa la'iesak kota ndia laun-nala; ana ta po'ilotak hataholi esa boen, naso'da fa. Yosua tao mane Makeda, sama leo ana tao mane Yerikho-a.

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

BILANGAN 21:35

Boema hataholi Israel-la sengi Mane Og-ka, de ala taolisan no anan-nala, ma basa laun-na lala'en-na; ta ela esa boen. Basa boema, langatuu-la nusak ndia.

YOSUA 9:27

Tehu ala taos da'di ata, fo nde manabia ai ma manalepa oe soaneu hataholi Israel-la, ma soaneu Manetualain mei tunu-hotun. Losa besak ia, ala bei tao lahele tatao-nono'ik ndia, nai mamanak fo Manetualain manakoasa hele fes, da'di mamana makaluku-makatele ba'eneun.

YOSUA 9:24

Boema lataa lae, “Ami tao leondiak, nanahu ami mamanene lae Manetualain, fo Tuan-tuan-nala sene-do'ok ndia, nadenu basa Musa fo atan ndia, fe nusak ia lala'en-na neu Tuan, ma nai lelek Tuan ho'i-na dae ia soona, Tuan taonisa la'iesak laun-na. Ami bii manseli, boso nalosak ami nanataonisak, hu ndia de, ami tao basa dede'ak ia-la.

BILANGAN 31:17

Nah, besak ia, taomisa ni'iana touanak lala'en-na, ma basa inak lala'en fo, ta matatema so'on.

ULANGAN 20:15

Emi muse tao leondiak, neu basa kota-kota fo, dook-ka neme em nusam-ma mai.

ULANGAN 20:17

Emi muse tao mamate-mamopo hataholi Het, Amori, Kanaan, Feris, Hewi ma Yebus-sala, sama leo emi Manetualaim-ma, paletan neu emi.

YOSUA 6:24

Basa boema, solda'du Israel-la, hotu heni kota ndia, no basa hata manai dalek-kala lala'en-na, ela ka'da bua-lo'a lilopilas, lilofulak, liti ma besi. Ala ho'i-la bua-lo'as sila-la, de lenis leo mamana pepe'da Manetualain hata-heton neu.

YOSUA 8:8

Mangatuu-man soona, hotu heni kota ndia, nandaa no Manetualain paletan-na. O bela-ba'um nde ndia.”

YOSUA 8:25

Yosua so'uk nahele teen-na nasale leo Ai neu, te ana ta nakonaheni fan, losa ala taolisa la'iesak hataholi Ai-la. Faik ndia boe, hataholi Ai manamatek-kala, basa-basan lala'en-na, ina touk, hataholi lifun sanahulu dua.

YOSUA 10:20

Yosua ma hataholi Israel-la, taolisa hataholi Amori sila, tehu bei hapu nggelok lalai, fo leu sanga nasulu-nahapak nai sila kotan-na, nalosa ala ta taolisa fas.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”

ULANGAN 4:21

Tehu emi Manetualaim-ma namanasa au, hu kande emi, de Ana soo nae, neukose au ta lena leo Lee Yarden-na selik u, fo masok dae maoe-maisik fo neukose, Ana fen neu emi ndia fa.

ULANGAN 24:4

Nai dede'ak ia dalek, saotouk makasososak-ka, ana ta bole sao inak ndia so'on; ana muse mete inak ndia, da'di leo inak fo, na'den-na naggenggeo so. Tehu metema ka'da ana saon-nan boe, soona tatao-nono'ik ndia, nalupa leo nakamumulu-nakamamaek esa, soaneu emi Manetualaim-ma. Emi ta bole tao sala-singo mangalauk ndia, nai emi Manetualain fe emi nusak-ka fa.”

ULANGAN 31:5

Neukose, Manetualain fe emi sengis, boema emi muse taos, sama leo au afa'dan neu emi-a.

YOSUA 9:7

Tehu hataholi Israel-la lafa'da lae, “Sosoak hata, ami tao hehelu-balataak moo emi? Fafa'kama emi mamana leleom-ma, ka'da deka-deka nai ia!”