ULANGAN 20:1 - Susula Malalaok Hehelu Palak Ma Hehelu Beuk

¹ “Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 20:1 Referans Kwoze

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

MAZMUR 118:6

Au ta bii-amata'u fa, nana Manetualain no au, hataholi daebafak-ka, ta hapu tao hata esa boen soaneu au.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

HAKIM-HAKIM 6:12

Manetualain ata nusa so'dak ndia, natu'du aoinan-na neun, de nafa'dan nae, “Hai toana makadelek-konei! Manetualain no o!”

2TAWARIKH 20:12

O nde ami Amam Manetualaim-ma! Huku-doki hataholi sila leona, nanahu ami balakaim ta soaneu masasalematak moo solda'du makadotok fo ala nau sapu-la ami. Ami ta bubuluk muse tao beek-ka fa, hu ndia de ami mai moke tutulu-fafalik neu O.”

YOSUA 11:9

Yosua tao hataholi sila-la, nandaa no Manetualain paletan-na so; ana tao la'di ndalan-nala ein-na, ma ana hotu heni kaleta musun-nala.

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

ULANGAN 2:7

Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

KEJADIAN 26:3

Neukose Au asulu-ahapa ma ba'e-pala o. Neukose Au fe basa nusak ia lala'en-na neu o, ma neu o tititi-nonosim. Neukose Au tao atetu hehelu-balataak fo Au fe basan neu o amam Abraham so.

ULANGAN 7:18

Tehu emi boso bii-mamata'u leoina sila-la; mafandendelek, hata fo emi Manetualaim-ma nafa'da mane Masir-ra no laun-nala lala'en-na.

ULANGAN 20:2

Emi beita matee-matati fa te, imam esa muse neu leo emi uluk neu, fo ana kokolak no emi nae leo ia,

ULANGAN 20:3

‘Tolano-tolanoong-ngala lemin! Mamanene dei! Te faik ia, emi muse meu matee-matati. Boso bii-mamata'u, do dalem-ma boso ba'ihana, do mapangamak.

SEMUEL SUSULAK-KA ESAN-NA 17:32

Dauk nafa'da Saul nae, “Ama Manek, ta paluu ita bii hataholi Filistin ndia fa! Au sadia basa, soaneu la'ban hataholi ndia.”

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

MAZMUR 23:4

Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

BILANGAN 10:9

Ma metema emi matee-mata'ti nai emi nusam-ma, fo emi masala'e emi aoinam-ma neme musu-a mamain-na soona, puu pupuuk sila-la. Soona Au Manetualain, fo emi Manetualaim-ma neukose tulu-fali, ma soi-tefa emi neme emi musum-ma mai.

ULANGAN 1:29

Tehu, au afa'da ae, Boso bii hataholi sila-la.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

ULANGAN 9:3

Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

HAKIM-HAKIM 6:16

Manetualain nae, “Tao leo bee-o, o bisa, nana neukose Au nde tulu-fali o. Neukose o bisa tao makalulutuk hataholi Midian-nala no mudak, nono'kabai o masasalematak mo ka'da hataholi esa mesak-kana.”

2TAWARIKH 14:10

Boema Asa kalua mai de nasasalematak no Zerah, de duas ito-ato esa-esak mamanan-na nai Bafak Zefata fo deka no Maresa.

MAZMUR 46:8

Manetualain Fo Manakoasa nonook ita, Yakob Manetualain-na, nasulu-nahapa ita.

YEREMIA 16:14

Manetualain nafa'da nae, “Neukose fain-na losa soaneu hataholi ta soo-supa seluk nenik a Au, Manetualain fo maso'dak, fo maneni falik hataholi Israel-la kalua leme Masir mai,

ZAKHARIA 10:5

Neukose laun Yehuda-la, ala sengi, sama leo palani ta'tibatu-la, ala heheta-aa'i musu-a, sama leo tane-a nai enok lain. Neukose, lata'ti lakandoo, hu kande Au, Manetualain tulu-falis, ma solda'du musu manasa'e ndala-la, neukose ala sengi la'iesak-kasa.