ULANGAN 19:19 - Susula Malalaok Hehelu Palak Ma Hehelu Beuk

¹⁹ muse huku hataholi ndia, sama leo tatao-nono'in neu musu non-na. No enok ndia, emi hapu tao mamopo tatao-nono'i mangalauk ndia.

ULANGAN 19:19 Referans Kwoze

AMSAL 19:5

Hataholi fo, nasapepeko-nasandandali nai uma manakee-manafulak-ka, neukose ta nala deak neme huhukuk-ka mai fa.

AMSAL 19:9

Hataholi fo, nasapepeko-nasandandali nai uma manakee-manafula soona, tao leo bee-o, neukose nanahukuk, ma manatao namopo-namatek.

DANIAL 6:24

Manek-ka namahoko nanseli, de ana paleta fo kalua heni Danial neme leak ndia dalek mai. Lakalala'ok basa paleta ndia boema, ala mete te ta hapu hinak faa anak boen nai Danial aon-na fa, nanahu namahele neu ndia Manetualain-na.

ULANGAN 22:24

Nai dede'ak ndia dalek, ala muse loo duas, leo kota deak neu, fo ala tapas nenik batu, losa mates. Muse taonisa anafe'oanak ndia, nanahu ana ta nggasi, fo noke tutulu-fafalik fa, te se'kona, manada'dik ndia, ana da'di nai kota dale, de ana nggasi soona, hataholi-la lamanene. Ma muse taonisa touk ndia, nanahu ana sungu no anafe'oanak fo, hataholi fe'ek adu-natane basan so. No hataholi ka duak sila-la mamaten ndia de, emi tao mamopo tatao-nono'i mangalauk ndia.

ULANGAN 17:7

Basa sakasii-la, nde tapa batu makasososak-ka neu hataholi ndia, fo besak-ka laun-na lala'en-na. No enok ndia, emi hapu tao mamopo, tatao-nono'i mangalauk ndia.

YEREMIA 14:15

Ala kokolak pake Au na'deng-nga lae, neukose natee-natatik-ka ma la'a-ndoes-sa ta tuni-ndeni nusak ia fa, te sekona Au ta adenus ala kokolak dede'ak ndia fa. Au Manetualain, afa'da neu O, Yeremia, neukose hata fo Au tao-no'in neu nabi-nabi fo Au ta adenuk sila fa. Neukose Au tao isas nenik natee-natatik ma la'a-ndoes.

ULANGAN 24:7

Metema, hataholi esa, namanako neok neni leoinan esa, fo ana taon da'di ata, do nase'ohenin soona, muse hukunisa hataholi ndia. No enok ndia, emi tao mamopo tatao-nono'i mangalauk ndia.

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.

ULANGAN 19:20

Neukose basa hataholi-la lamanene dede'ak ndia, fo ala bii-lamata'u, nalosa ta hapu hataholi tao tatao-nono'i mangalauk leondiak-ka so'on.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

DANIAL 6:25

Basa boema, manek-ka paleta hataholi, fo leu ho'u hataholi manakalaak Danial-la. Ala mai boema, ala ho'u-lalas de ala tapas loo anan-nala ma saoinan-nala, leo singa lean dale leu. Ala beita losa leak ndia buin-na boen te, singa sila-la kaa lalas, de ala hehengu-la duin-nala beelutu.