ULANGAN 19:15 - Susula Malalaok Hehelu Palak Ma Hehelu Beuk

¹⁵ “Sakasii esa maesak-kana soona, beita dai soaneu nafa'da hataholi nanakalaak esa salan-na fa; muse paluu sakasii dua, nai dede'ak ndia dalek.

ULANGAN 19:15 Referans Kwoze

BILANGAN 35:30

Nai dede'a kanisak-ka dalek, bole kee hataholi kanisak-ka nasala fo huku nisan, sa'di metema hapu sakasii dua, do lena neme dua mai, fo ala bisa fe buti la'eneu tatao-nono'ikanisak ndia. Metema sakasii ka'da esa soona, beita dai, soaneu ana bisa fe buti nae kalaak ndia tete'ek-ka.

2 KORINTUS 13:1

Ia nde bee soona soaneu kala'i telu na au ne'i donge-dama emi. Nai Susula Malalaok dale nanasulak nae, “Dede'a kala esa-esak muse hapu manasakasii dua do telu fe sakasii na, fo besa ka dede'ak ndia nanapakek.”

ULANGAN 17:6

Tehu bole hukunisa hataholi ndia, metema hapu sakasii dua, do lena neme dua mai; ta bole hukunisa hataholi esa fa, metema hapu ka'da sakasii esa.

IBRANI 10:28

Hataholi fo ana ta tunga hoholo-lalanek fo Musa fe ka fa soona, neukose nanahuku nisak ta no ampon fa, metema no sakasii dua do telu sakasii na tete'e ka hataholi ndia tao salak.

MATEOS 18:16

Tehu metema ta soona, mo seluk hataholi esa do dua. Nanahu nai Susula Malalaok dale, nanasulak nae, ‘Paluu, nai dae, hataholi dua do telu sakasii, fo lafa'da hataholi nanakalaak esa sala na.’

1 TIMOTIUS 5:19

Metema ala kalaak mauli-malanga salanik esa soona, boso sipo kalaak ndia, ta'da fe'e hapu sakasii dua do lena neme dua mai.

YOHANIS 8:17

Nai Musa hoholo-lalanen dale nanasulak nae leo ia: Metema hataholi dua sakasii soona, sakasii matetu ka nde ndia dei.

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

1RAJA-RAJA 21:10

Madenu hataholi manatao tatao-nono'i mangalauk dua langatuuk lasasalematak loon, fo kalaa kana mae ana soo-supa basa Manetualain ma manek-ka so. Soona moon leo kota deak neu fo tapan nenik batu losa maten!”

YOHANIS 7:51

“Tunga hoholo-lalane ka soona, ta bole huku hataholi esa boen, metema beita palisak dede'a na fo tamanene ana tui ndia tatao-nono'in leo beek fa.”