ULANGAN 18:15 - Susula Malalaok Hehelu Palak Ma Hehelu Beuk

¹⁵ Nasafalin-na, neukose Ana fe emi nabi esa, sama leo au, fo emi muse tungan.

ULANGAN 18:15 Referans Kwoze

HATAHOLI 7:37

Musa ia boeo, nde Musa fo nafa'da leoina Israe la nae, ‘Neukose Manetualain fe emi nabi esa, fo nanahelek neme emi tala'da mai, sama na leo Ana hele au a.’

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

LUKAS 9:35

Basa boema hala ka nananamanenek neme ko'as ndia dalek mai nae, “Ia nde Au anang fo Au hele ka. Mamanenen leona!”

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

1 TIMOTIUS 2:5

Nana, hapu ka'da Manetualain esa mesa kana, ma hapu ka'da hataholi esa mesa kana nde da'di hataholi tala'dak, soaneu Manetualain no hataholi daebafa ka, fo nde Kristus Yesus.

YOHANIS 6:29

Boema Yesus nafa'das nae, “Manetualain nau emi tao ka nde ia: mamahele Manetualain nadenu Hataholi a, leona.”

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

1 YOHANIS 3:23

Ana paleta ita tao dede'a ka nde ia: Ita muse tamahele Anan, fo Yesus Kristus, ma ita muse tasue-talai ao sama na leo Kristus paleta basan neu ita so.

YOHANIS 1:25

latanen lae, “Metema o ta nde Mane Mana Soi-Tefa ka, ma ta nde Elia, boema ta nde nabi esa boen, na tao le'e de o salani hataholi?”

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

ULANGAN 34:10

Nai Israel, ta hapu seluk nabi sama leo Musa, fo ana kokolak nasasalematak no Manetualain fa.

YOHANIS 1:21

Boema hataholi sila latane selu kana lae, “Metema leondiak soona, o ia see? Ade Elia ta nde o fa do?” Tehu Yohanis nataa nae, “Ta.” Boema latane la'iesa selu kana lae, “Ade o ia Nabi do?” Yohanis nataa nae, “Ta.”

ULANGAN 5:5

Tehu, hu kande emi bii ha'i, ma emi ta mapalani kae leo letek ndia lain meu fa, de nai lelek ndia, au apadeik nai emi ma Manetualain tala'da, fo au anduku-alosak Manetualain hala-kokolan ndia neu emi. Manetualain po'a-benga nae,

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

MATEOS 21:11

Boema hataholi makadotok fo mana tunga Yesu sa lafa'das lae, “Ndia nde Nabi Yesus neme Nazaret fo nai Galilea.”

LUKAS 2:25

Lelek ndia nai Yerusalem, hapu hataholi esa na'de Simeon. Hataholi ndia hataholi malole, fo ana bii neu Manetualain, ma ana bei nahani fai na losa ba'eneu Manetualain soi-tefa hataholi Israe la. Manetualain Dula Dale na koasa nan,

LUKAS 7:16

Basa hataholi la bii ma ala mulai koa-kio Manetualain. Lafa'da lae, “Nabi matuaina esa to'da mai nai ita tala'da so! Manetualain mai fo Ana soi-tefa na hataholi kamahehele nala so!”

YOHANIS 4:19

Boema inak ndia nae, “Besa ka au bubuluk, Tuan nde bee na, nabi esa.

YOHANIS 9:17

Boema hataholi Farisi la latane seluk hataholi ndia lae, “Te o hahapu ma leo beek, la'eneu Hataholi manatao na o mita seluk ndia?” Boema hataholi fo besa ka nita ndia nae, “Hataholi ndia Nabi ndia.”

BILANGAN 12:6

boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

HOSEA 12:14

Manetualain nadenu nabi esa, fo noo hataholi Israel-la kalua leme Masir, mamanak fo ala da'di ata, ma soaneu naneas.