ULANGAN 18:12 - Susula Malalaok Hehelu Palak Ma Hehelu Beuk

¹² Emi Manetualaim-ma, ta hii hataholi manatao tatao-nono'i mangalauk leondiak-ka fa, hu ndia de, Ana usiheni nggilleo-bobongik sila-la, leme emi matam-ma mai

ULANGAN 18:12 Referans Kwoze

IMAMAT 18:24

Boso tao manggenggeo o aoinam-ma nenik tatao-nono'ik sila-la, nana no enok ndia, leoina manaleo makahuluk neme emi nai Kanaan-na, ala tao langgenggeo aoinan-nala so. Hu ndia de, Manetualain usi henis, fo ela emi hapu leo nusak ndia.

ULANGAN 9:4

Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.

IMAMAT 18:25

Ala tao la'iesak tatao-nono'ik nanamaluak sila-la, nalosa sila daen-na da'di nanggenggeo. Boema Manetualain hukus, ma Ana ta fes loak, fo ala leo lai naa fa. Tehu emi boso tao tatao-nono'ik sila-la makandondook. Emi basa-basam-mala hataholi Israel, ma hataholi nusa dea manaleo lahele sama-sama loo emi-a, muse tunga Manetualain nakaneneten ma paletan-nala,

ULANGAN 14:27

Boso po'ilotak, hataholi Lewi fo manaleo manai emi kotam-mala, laleu-lalaak; mafandendelek te, hataholi sila-la dae-oe taak-kala.

YESKIAL 31:11

Hu ndia de, Au ta sipok-kana fa, de neukose Au fen leo manakoasa nusa dea-la neu, fo neukose ala taon, nandaa no tatao-nono'i mangalaun-nala.

ULANGAN 22:5

Inak-kala, ta bole pake-nggao sama leo touk-ka, ma touk-kala, ta bole pake-nggao sama leo inak-ka, nana emi Manetualaim-ma, Ana nape'da dale nasak hataholi manapake-nggao leondiak-ka fa.

2RAJA-RAJA 23:24

Soaneu lakalala'ok hoholo-lalanek, fo nanasulak nai susulak fo Imam Matuaina Hilkia hapun neme Manetualain Uman dale-a, de Mane Yosia usi heni basa hataholi manamaloo samanek-kala, hataholi manasiula-tongonok-kala leme Yerusalem, ma leme Yehuda lala'en-na mai, boema ana tapa heni, basa lamatua daebafak-ka, sosongo-tatangon manai uma loo-la dalek, ma bua-lo'as fo ala paken, soaneu sene-do'ok neu lamatua daebafak-ka.