ULANGAN 17:2 - Susula Malalaok Hehelu Palak Ma Hehelu Beuk

² Metema, emi mamanene, lae nai emi kotam esa, hapu hataholi tao sala-singok neu emi Manetualaim-ma, nanahu ana la'olena hehelu-balataak-ka,

ULANGAN 17:2 Referans Kwoze

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HAKIM-HAKIM 2:20

Hu ndia de, Manetualain namanasa nanseli hataholi Israel-la, de nafa'da nae, “Au paleta basa leoina ia bei-ba'i kain-nala, fo ela ala ho'u lahele hehelu-balataak, fo Au taon no sila. Tehu leoina ia, tao ketu hehelu-balataak ndia; ala la'olena Au paletang-ngala.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

2RAJA-RAJA 18:12

Samaria tu'da nanahu, hataholi Israel-la, ta tunga neu sila Manetualain fa. Ala lalalesi hehelu-balataak, fo Manetualain taon no sila, ma ala la'olena basa Musa, fo Manetualain atan-na paletan-na. Ala ta nau lamanene, ma tunga fan.

YOSUA 23:16

Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”

YOSUA 7:15

Boema, hataholi nananatu'duk-ka, metema tete'ek-ka, ana pe'da bua-lo'as nanakena-ka'ik ndia soona, muse hotu henin sama-sama no teidalen, ma basa hata-heton lala'en-na; nanahu ndia nde la'olena hehelu-balataak, ma manatao tatao-nono'i mangalauk matua, nai hataholi Israel-la dalek.”

YOSUA 7:11

Hataholi Israel-la, tao sala-singok so. Au fe basa paleta, fo ela ala tunga hehelu-balataak nai sila loo Au, tehu ala la'olenan! Ala ho'i-la bua-lo'as, fo muse tao nalutus-sala so. Lamanako-la, bua-lo'as sila, de lafunis nai bua-lo'an-nala dalek, fo ela hataholi boso bubuluk.

ULANGAN 17:5

soona muse tapa hataholi masalak ndia, nenik batu losa maten.

YESKIAL 16:38

Neukose Au huku o, nanahu hohonge-a, ma o tao kanisak sila-la. Neukose Au hukuisa o, nai Au nasa-melung-nga dalek.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 29:25

Soona, natataan-na nae, ‘Hu kande, ala ta nau sipok, sila bei-ba'i kain-nala Manetualain, hehelu-balataan fa; hehelu-balataak fo, Ana taon ba'eneu sila, nai lelek nos kalua leme Masir mai.

ULANGAN 29:18

Da'di manea, fo boso nalosak hataholi esa nai emi dalek, nau touk do inak boe, do teidale-bobongik do leo fo manamapadeik manai ia-la, ala fali deak leme emi Manetualain-ma mai, fo ala sene-do'ok neu, leoina fe'ek-kala lamatua daebafak-nala. Tatao-nono'ik ndia, sama leo aiokak-ka ana moli, fo ana da'di bubu'u-palusa makahe'duk ma malasok.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

IMAMAT 26:15

metema emi la'olena hehelu-balataak fo Au taon no emi, ma ta nau tunga Au nakeketung, ma Au nakaneneteng-ngala fa soona,

IBRANI 10:28

Hataholi fo ana ta tunga hoholo-lalanek fo Musa fe ka fa soona, neukose nanahuku nisak ta no ampon fa, metema no sakasii dua do telu sakasii na tete'e ka hataholi ndia tao salak.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

2RAJA-RAJA 21:3

Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

AYUB 31:28

Sala-singok matak leo ndiak-ka, nandaa huku nisan; hu kande nalelesi Manetualain, Fo Manakoasa so.

KELUARAN 22:19

Hataholi see, ana sao bana soona, muse taonisan.

IMAMAT 20:2

nafa'da dede'ak ia neu leoina Israel-la nae, “Hataholi see, fo nai emi dalek, do hataholi nusa dea, fo ana leo nahele no emi, metema ana tunu-hotu anan-na soaneu nitu Molokh-ka soona, basa laun-na lala'en-na, muse tapan nenik batu losa maten.

HAKIM-HAKIM 6:31

Tehu Yoas nataa basa hataholi manala'ban sila-la nae, “Ade emi mook Baal, de emi nau masala'en do? See kande nok-kana soona, neukose nanataonisak faik ia! Metema, memak Manetualain nde Baal ndia soona, nemen-na, fo ndia mesak-kana nasala'e aoinan-na, nana nanaofe henik ndia, nde been-na, Baal mei tunu-hotun-na.”