ULANGAN 17:1 - Susula Malalaok Hehelu Palak Ma Hehelu Beuk

¹ Boso tunu-hotu fe emi Manetualaim-ma sapi do bi'ilopo lu'u-la'ak, nanahu Ana nape'da dale nasak-kana fa.

ULANGAN 17:1 Referans Kwoze

ULANGAN 15:21

Tehu, metema bana ndia ei lu'u la'ak, fo nde ei helak do mata pokek, do ana hapu he'di-laus matuaina fe'ek soona, emi ta bole tunu-hotu fen neu emi Manetualaim-ma fa.

MALEAKHI 1:8

Metema, emi tunu-hotu fe Au, bana pokek, kamahe'dik do lu'u eik soona, ade tatao-nono'i masalak ta ndia fa do? So'ba emi fe bana matak leondiak-ka, leo gobelnol-la neu! Ade neukose namahoko, ma ana tao emi no malole do?”

ULANGAN 23:18

Doik fo, ana hapun neme sosoa-piaon mai boeo, ta bole menin leo emi Manetualaim-ma Uman-na neu fa, fo bae nasar, nana emi Manetualaim-ma, ta hii mete manasosoa-piaok manai uma sosongo-tatangok-kala, ma manasosoa-piaok-kala, doi sese'ban-na fa.

ULANGAN 24:4

Nai dede'ak ia dalek, saotouk makasososak-ka, ana ta bole sao inak ndia so'on; ana muse mete inak ndia, da'di leo inak fo, na'den-na naggenggeo so. Tehu metema ka'da ana saon-nan boe, soona tatao-nono'ik ndia, nalupa leo nakamumulu-nakamamaek esa, soaneu emi Manetualaim-ma. Emi ta bole tao sala-singo mangalauk ndia, nai emi Manetualain fe emi nusak-ka fa.”

1 PETRUS 1:19

tehu nanabaek ninik hata esa beli na seli, fo nde Kristu saoina na, fo Ana da'dileo bi'ilopo masalak ma hina-dila tak, fo nanatunu-hotuk soaneu Manetualain.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AMSAL 11:1

Manetualain nahiik hataholi fo, ana pake tatais ta matetuk fa tehu nahiik hataholi fo, ana pake tatais matetuk.

AMSAL 6:16

Manetualain ta hii dede'ak hitu fa, de Ana ta bisa po'ilotak-kana fa: Heheo-hihiluk fo, manakoa-ndaeaok-ka, bafak fo, masapepeko-masandandalik-ka, limak fo, manatao nisa hataholi sala taak-ka, dodolek fo, manatutu'u hata mangalauk-ka, eik fo, lai-lai neu leo mangalauk-ka neu, sakasii fo, nasapepeko-nasandandali nakandondoo henin, ma hataholi fo, nakadada'dik musu nai nonoon-nala dalek.

ULANGAN 25:16

Emi Manetualaim-ma, Ana ta hii hataholi manake'di-ndiuk-ka fa.”

KELUARAN 12:5

Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa.

KEJADIAN 41:19

Basa boema sapi fe'ek hitu to'da mai, fo magalo'dok mesa-mesan ma ela ka'da louk palu duik. Beita la'iesa fo au ita sapi mangalo'dok leondia ka nai basa Masir lala'en-na fa.

AMSAL 20:10

Tatais ma uukuk fo ta matetuk-ka fa, Manetualain ta hii fan.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

BILANGAN 29:8

Tunu-hotu fe Manetualain tutunu-hohotu nanatunuk, nalupa sapi maneanak esa, bi'ilopo mane esa, ma bi'ilopo ana maneanak hitu, besak-ka teuk beke esak, ma ta lu'u la'ak fa. Tutunu-hohotuk ndia boon-na, nandaa no Manetualain dalen-na.

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.