ULANGAN 16:19 - Susula Malalaok Hehelu Palak Ma Hehelu Beuk

¹⁹ Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

ULANGAN 16:19 Referans Kwoze

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

KELUARAN 23:2

Boso tunga hataholi ba'u, metema ala tao salak do ala ta tunga hoholo-lalanek no matetun-na nenik ala fe sakasii pepekok.

AMSAL 17:23

Manakee-manafula fo ta tao tunga ndoon-na fa, ana sipo doi sosolo dalek no nafufunik ma ta nakalala'ok ndoos ma matetuk-ka fa.

HABAKUK 1:4

Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

PENGKHOTBAH 7:7

Metema hataholi dodole matane ke'di-ndiu soona, nakeketun ndia nggoak. Metema hataholi sipo doi sosolo dalek soona, nalutu dodolen-na.

AMSAL 24:23

Hataholi manatee-tenok-kala, lafa'da hai lae leo ia: Manakee-manafula, ta bole namabela seselik fa.

ULANGAN 27:19

‘Nanasoo-supak ba'eneu hataholi fo, ana natona-na hataholi nusa dea, faluina anamaak hak-ka.’ Hataholi Israel-la lataa lae, ‘Tete'ek-ka!’ ‘Amin!’

HATAHOLI 23:3

Boema Paulus nafa'da imam matuaina ndia nae, “Tao leo bee o Manetualain fapa hataholi mana dea-dalek fo ta'ko nae, ndia hataholi malalao-malalafuk! O mangatuuk nai mamanak ndia fo o maketu-mala'di au tunga Musa hoholo-lalanen, te se'kona o nde la'olena hoholo-lalanek sila la, ninik o madenu hataholi fapa au!”

HATAHOLI 16:37

Tehu Paulus nafa'da polisi sila la nae, “Nusa Roma laun ami. Ma emi beita palisak ami dede'a ma boen te, emi filuk ami nai lea matan, ma emi tao ami leo bui dale meu. Tehu besak ia, emi madenu ami fali no denge-dengek? Ami ta nau fa. Madenu mana paleta sila la mai matan fo ala po'i ami.”

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

AMSAL 24:28

Metema, o ne'ek ta soona, boso sakasii hataholi fe'ek dede'an; boeo, boso masapepeko-masandandali neun.

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

SEMUEL SUSULAK-KA ESAN-NA 8:3

Tehu ala ta tunga sila aman ha'da-tataon fa, te ala sanga ka'da nanalak soaneu sila aoinan-na mesak-kana. Ala sipo doi sosolo dalek, ma laketu-lala'di laun-na dede'an-nala ta tunga eno-dalak matetun-na fa.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

KELUARAN 23:3

Boso bibinga-baba'e hataholi nai manakee-manafula matan, leomae hataholi nanakalaak ndia hataholi nuu-taa hata-taak.

ULANGAN 16:18

“Nai emi Manetualaim-ma fe emi kota-la esa-esak, emi muse so'u manakee-manafula, ma manapaleta, soaneu laketu-lala'di laun-na dede'an-na, no ndoos ma matetuk.

SEMUEL SUSULAK-KA ESAN-NA 8:1

Lelek Semuel namalasi boema, ana so'u anan-nala da'di manek nai Israel.

MAZMUR 15:5

ma ana fe hataholi nakatotonak doik, ta pake bunak fa; fo ana ta nau sipo doi sosolo dalek, soaneu nakatutu'dak hataholi sala tak-ka. Hataholi fo, manatao leondiak-ka, neukose tetu-temak tataas esa.

AMSAL 15:27

See sanga nanalak fo ta malole fa soona, ana tao nakalulutuk teidale-bobongin-na. See ta hii sipo doi sosolo dalek fa soona, neukose so'dan-na naua-nanale.

AMSAL 18:5

Tok hataholi malelesik-ka ma tuni-ndeni hataholi sala taak-ka soona, ta malole fa.

AMSAL 31:5

Nana, metema manek-ka ninu ala-lalu soona, neukose nafandele heni hoholo-lalanek, ma ana ta taoafik neu hataholi tapandoes-sa fa.

ULANGAN 27:25

‘Nanasoo-supak ba'eneu hataholi mana se'ba hataholi fo, ana taonisa hataholi sala tak-ka.’ Hataholi Israel-la lataa lae, ‘Tete'ek-ka!’ ‘Amin!’

YESKIAL 18:8

Ana ta fe hataholi manatonak-kala, fe bunak fa. Ana ta nau tao, tatao-nono'i mangalauk fa, ma naketu tunga ndoon-na, nai basa nale'a-napilik lala'en-na dalek.