ULANGAN 16:15 - Susula Malalaok Hehelu Palak Ma Hehelu Beuk

¹⁵ Emi muse tao feta ndia, fai hitu dalen-na, soaneu fe ha'da-holomata neu emi Manetualaim-ma, nai Ana hele mamanak-ka. Mamahoko-setelee, nanahu emi Manetualaim-ma, Ana fe baba'e-papalak neu emi daem-ma buna-boan, ma emi ue-le'dim.

ULANGAN 16:15 Referans Kwoze

ULANGAN 30:16

Faik ia, au paleta emi, fo sue-lai emi Manetualaim-ma, ma tungan, boema tao-no i basa hoholo-lalanen ma paletan lala'en-na, fo ela emi maso'da no tetu-temak, ma emi da'di leoina matuaina. Neukose, emi Manetualaim-ma fe emi baba'e-papalak nai nusak fo, ta dook-ka so'on te, emi mangatuu-man ndia.

ULANGAN 16:10

fo tao Feta Keketu-kokoluk, fo fe ha'da-holomata neu emi Manetualaim-ma. Nai faik ndia, emi meni fen tunu-hotuk fo, emi fe no emi dale hihiim-ma, de'u Manetualain fe emi baba'e-papalak-ka.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

ULANGAN 16:14

Mamahoko-setelee, sama-sama moo emi anam-mala, emi atam-mala, hataholi Lewi-la, ma faluina-anamaak fo, manaleo manai emi kotam-mala.

ULANGAN 16:16

Basa touk Israel-la, muse mai sene-do'ok neu emi Manetualaim-ma, nai Ana hele mamanak-ka, teuk esa soona, la'i telu, fo nde nai Feta Paskah, nai Feta Keketu-kokoluk, ma Feta Lalaa Akidook-ka. Basa hataholi-la, muse leni tunu-hotuk,

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

NEHEMIA 8:17

Basa laun fo manafali ma'is leme mamana tu'u-tapak mai, ala tao lalaak sila-la, boema ala leo lema ndia. Ia nde soaneu ka la'i esan-na, ala tao dede'ak ndia, mula neme Yosua fo Nun anan-na tepo-lelen-na, boema basa-basas lamahoko ma laua-lanale.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.