ULANGAN 16:14 - Susula Malalaok Hehelu Palak Ma Hehelu Beuk

¹⁴ Mamahoko-setelee, sama-sama moo emi anam-mala, emi atam-mala, hataholi Lewi-la, ma faluina-anamaak fo, manaleo manai emi kotam-mala.

ULANGAN 16:14 Referans Kwoze

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

1 TESALONIKA 5:16

Ela leo bee na, emi mamahoko tataas esa,

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 30:29

Tehu emi, fo Manetualain anan-nala, neukose mamahoko-setelee ma makamee, sama leo feta agama, nai fai le'odaen-na. Neukose emi mamahoko, sama leo hataholi fo ana la'ok, de manafuu kinuk-kala, tunga dea, fo leu leo Manetualain Uman, fo manamasala'e Israel-la.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

ULANGAN 26:11

Moke makasi neu emi Manetualaim-ma, fo manafe baba'e-babatik neu emi ma emi teidalem-mala. Leleko moo, hataholi Lewi-la ma hataholi nusa dea manaleo nai emi dalek-ka, fo ala tunga nai feta ndia dalek boe.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

ULANGAN 16:15

Emi muse tao feta ndia, fai hitu dalen-na, soaneu fe ha'da-holomata neu emi Manetualaim-ma, nai Ana hele mamanak-ka. Mamahoko-setelee, nanahu emi Manetualaim-ma, Ana fe baba'e-papalak neu emi daem-ma buna-boan, ma emi ue-le'dim.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

YOEL 1:16

Nana'ak-ka basan ma mopok-kana nai ita matan, nai ita Manetualain Uman ta hapu eeki-natadalek so'on.