ULANGAN 16:1 - Susula Malalaok Hehelu Palak Ma Hehelu Beuk

¹ “Tao feta Paskah nai hataholi Yahudi-la bula Abib-pa, fo fe ha'da-holomata neu emi Manetualaim-ma, nana nai bulak ndia dalen-na, fo le'odae boema, Ana soi-po'i emi meme Masir mai.

ULANGAN 16:1 Referans Kwoze

KELUARAN 34:18

Tao feta Loti Fo Ta Pake Laluteik fa. Sama leo Au paleta basan neu emi so, de emi muse mi'a loti fo ta pake laluteik, faik hitu dalen-na nai bulak Abib dale, nanahu nai bulak ndia dalen-na, emi la'oela Masir.

KELUARAN 13:4

Nai faik ia, hataholi Yahudi-la bula Abib-pa, do bula ka esa fain esa, emi la'oela nusa Masir-ra.

BILANGAN 28:16

Hataholi Yahudi-la bula ka esan-na, fain sanahulu haa nde been-na, fai Paskah ba'eneu Manetualain.

IMAMAT 23:5

Tao fai malole Paskah soaneu fe ha'da-holomata neu Manetualain, mulai nai lelek le'do tenak, fo nai hataholi Yahudi-la bula ka esan-na, fain 14.

KELUARAN 23:15

Nai hataholi Yahudi-la bula Abib-pa dalek, fo nai faik nananaketuk-ka, emi muse tao Feta Loti Fo Ta Pake Laluteik fa, tunga eno-dalak fo Au paleta basan neu emi so, nana emi la'oela Masir nai bulak ndia dalen-na. Boso mi'a loti fo kamen no laluteik, nai feta faik hitu ndia dalen-na. Nai lelek, emi mai sene-do'ok soaneu Au soona, emi muse meni tunu-hotuk.

LUKAS 2:41

Tunga-tunga teuk, Yesus ina aman leu leo Yerusalem leu, fo ala tunga Feta Paskah.

YOHANIS 2:13

Hataholi Yahudi la Fai Paskah na deka boema, Yesus neu leo Yerusalem neu.

YOHANIS 5:1

Basa ndia de, hataholi Yahudi a feta na losa boema, Yesus neu leo Yerusalem neu.

YOHANIS 6:4

Ndia te, hataholi Yahudi la Fai Paskah Matua na, ana deka so.

ULANGAN 16:2

Meu leo Manetualain hele mamanak-ka meu, fo do'do emi bi'ihiim bi'ilopom do emi sapim esa, da'di leo tutunu-hohotu Paskah, soaneu fe ha'da-holomata neu emi Manetualaim-ma.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 23:14

“Tunga teuk, emi muse tao feta matua telu, soaneu fe ha'da-holomata neu Au.