ULANGAN 15:9 - Susula Malalaok Hehelu Palak Ma Hehelu Beuk

⁹ Manea matalolole, fo boso nalosak emi dodoo nai emi dalem dale, mae leo ia: teuk fo kokaheni huta-bu'uk-kala, ana deka so, de emi ta nau fen tona doik fa. Boso makaboboi dudu'a-aafi mangalauk ndia, nai emi dalem dale. Metema, emi ta nau fe hataholi ndia, ana tona doik fa, boema naloo bou-bou neu Manetualain, fo ana kalaak emi, soona neukose emi hapu salak.

ULANGAN 15:9 Referans Kwoze

ULANGAN 24:15

Tunga faik, fo le'do beita temak fa te, emi muse bae ngga'din faik ndia dalen-na; ana namahena doik ndia, nanahu ana paluun. Metema, emi ta bae ngga'din-na fa soona, neukose ana naloo bou-bou neu Manetualain fo, noke tutulu-fafalik soaneu emi, fo emi da'di hataholi masala-masingok.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

YAKOBIS 5:9

Boso beemumu, ma esa boso fe salak neu esa boen, fo ela Manetualain boso huku emi. Mafandendelak! Te mana maketu-mala'di a, fai na deka de, nahehele aon sanga mai ia so.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

KELUARAN 22:23

Metema, emi tao mangalauk neus, fo metema laloo bou-bou neu Au, fo loke tutulu-fafalik soona, Au, fo Manetualain, neukose amanene dokodoen-nala.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

AMSAL 28:22

Hataholi tene petak-ka, nahiik namasu'i lai-lai; tehu ta name'da nae nuu-taa hata-taak-ka, no lai-laik tunin-na aoinan-na fa.

AMSAL 23:6

Boso mu'a sama-sama moo, hataholi malitua. Boeo, boso mahiik nana'a mala'dan-na.

AYUB 34:28

Sila tao la hataholi nuu-taak hata-taak-ka haladoi sila kikii-namatanen-na Manetualain namanene.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

1 PETRUS 4:9

Ela leo bee na, esa sipok esa leo esa-esak uman neu, no dale katema tuak.

YAKOBIS 4:17

Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

AMSAL 24:9

Hataholi nggoak-ka, malela tipu-dain-na nde been-na sala-singok. Hataholi fo, nakamuu-nakadau hataholi fe'ek tataas esa, su'di see boe, nape'da dale nasak-kana fa.

AMSAL 21:13

See ta nau namanene hataholi manato'a-taak-ka haladoin-na fa soona, metema noke tutulu-fafalik soona, neukose hataholi ta taoafik neu fa.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

MAZMUR 9:12

Koa-kio Manetualain fo manapaleta nai Sion-na! Tui tatao-nono'in neu leoina-la!

ULANGAN 15:1

“Neu teuk-ka hitu, mate'en-na soona, emi muse kokaheni basa huta-bu'uk-kala.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

KELUARAN 22:22

Boso tao su'di bebe'ik-ka neu faluina do anamaak.

ULANGAN 31:10

Ana fes paleta nae, “Nai tunga-tunga teuk-ka hitun-na, sanga basan, nai teuk fo huta-bu'uk nanakokahenik, nai feta Lalaa Akidook-ka soona,

AMSAL 14:21

See nakamumulu-nakamamaek hataholi soona, ana tao sala-singok; tehu see dalen-na malole no hataholi nuu-taa hata-taak-ka soona, neukose naua-nanale.

YEREMIA 34:14

Au afa'da ae, basa ata Ibrani-la fo manamalalau-maoono teuk nee dodoon-na ndia, muse soi po'is neu teuk kahitun-na babasan-na. Tehu emi bei ba'i-kaim manamaten-nala ta nau tao afik do lamanene hata fo Au afa'dak ndia fa.