ULANGAN 15:23 - Susula Malalaok Hehelu Palak Ma Hehelu Beuk

²³ Ta bole mi'a daan-na fa, tehu emi muse po'ahenin leo dae lain neu, sama leo oe-a.”

ULANGAN 15:23 Referans Kwoze

ULANGAN 12:16

Ka'da emi ta bole mi'a daan-na fa, po'ahenin leo dae lain neu, sama leo oe-a.

ULANGAN 12:23

Tehu paa bee-la bei madaak soona, emi ta bole mi'a fan, nanahu bana ndia samanen-na, nai daan dale, de emi ta bole mi'a paan-na, sama-sama no samanen-na fa.

IMAMAT 7:26

Hataholi Israel fo ana leo su'di nai bee boe, ta bole na'a manupui-a daan-na, do bana fe'e-fe'ek-kala daan-na fa.

YESKIAL 33:25

Hu ndia de Manetualain Fo Mademaina, nadenu au, fo au afa'das hala hehelun-na nde ia nae, “Emi mi'a paa matak; emi songo-tango, ma emi manisa. Tehu emi mapalani manseli, manaku emi daem dae ia.

SEMUEL SUSULAK-KA ESAN-NA 14:32

nalosa latonak bua-lo'as fo ala kalo lenis leme musu dale mai; ala ho'u-la bi'ilopo ma sapi boema ala do'dos leme mamanak ndia boe, tutika la'a matak paa ndia.

HATAHOLI 15:20

Tehu ita muse sulak fes susulak ma tanoli-tafa'das, fo daenga boso la'a nana'a sosongo-tatango manggenggeok sila la, do la'a bana nanafule nisak paa na, do la'a paa daa. Boema, fo ela ladook ao nala leme sosoa-piao ka mai.

KEJADIAN 9:4

Ka'da esa mesak-kana, nde o ta bole mu'a fan, fo nde paa bei madaak-ka, nana ani hahaek ndia, nai daak dale.

IMAMAT 17:10

Metema, hataholi Israel esa, do hataholi nusa dea esa ana leo nahele nai hataholi Israel-la tala'da, na'a paa daa soona, neukose Manetualain hukun, ma ana ta da'di Manetualain anan-nala so'on.

IMAMAT 19:26

Boso mi'a paa daa. Boso pake mo'do-akidok, do da'di manasuangi.

SEMUEL SUSULAK-KA ESAN-NA 14:33

Boema lafa'da Saul lae, “Ama Manek, laun-na nasala-nasingo basa neu Manetualain so, nanahu la'a paa matak.” Saul nggasi nae, “Emi hataholi manamalelesik! Loli batu matuaina esa leo ia mai.”

ULANGAN 12:15

Tehu emi bole do'do emi bana-manum, fo mi'a paan-na nai mamanak bee fo emi leo nai ndia. Emi Manetualaim-ma fe emi ba'ubee soona, emi bole mi'a. Basa hataholi fo, nau hataholi malalaok do hataholi manggenggeok boe, ana bole na'a paa ndia, sama leo emi bole mi'a paa nusa.

ULANGAN 12:24

Ta bole mi'a daan-na makandondook fa, te emi muse po'ahenin leo dae lain neu, sama leo oe-a.