ULANGAN 15:19 - Susula Malalaok Hehelu Palak Ma Hehelu Beuk

¹⁹ “Sapi maneanak, ma bi'ihii maneanak, bi'ilopo maneanak fo, nanabongi makasososak-kala, emi muse tunu-hotu fen neu emi Manetualaim-ma. Ta bole pake sapi sila-la, soaneu ala hela luku nai ha'deoe dale fa, ma ta bole nggute bi'ilopo sila-la, bulun-na fa.

ULANGAN 15:19 Referans Kwoze

KELUARAN 13:2

“Tunu-hotu basa ana uluk-kala fe Au. Basa Israel anatou ulun-nala, ma basa bana-manu ana ulun-nala nde been-na, Au nuung sila.”

KELUARAN 13:12

emi muse tunu-hotu anatou uluk lala'en-na, ma bana-manu ana maneanan makasososan-nala. Basa sila-la Manetualain nuun,

ULANGAN 16:14

Mamahoko-setelee, sama-sama moo emi anam-mala, emi atam-mala, hataholi Lewi-la, ma faluina-anamaak fo, manaleo manai emi kotam-mala.

ULANGAN 12:17

Emi ta bole mi'a emi tutunu-hohotu neme emi hahapu dadain baba'ek esa neme ba'en neu sanahuluh fo nde gandum, angol ma mina setun-nala hahapu dadain ba'ek esa neme ba'eneu sanahuluh fa, ma emi sapim, bi'ihiik ma bi'ilopom-mala, ana nanabongi makasososan-nala, tutunu-hohotuk fo bae nasar, emi tutunu-hohotum fo, emi fe no emi dale hihiim-ma, do tutunu-hohotu fe'ek-kala, nai emi mamana leleom-ma fa.

BILANGAN 18:17

Tehu ta bole soi sapi, bi'ilopo ma bi'ihiik ana makasososan-nala fa. Bana-manu sila-la, Au nuung so, de muse tunu-hotu henis. Pisi daan-na neu mei tunu-hotuk-ka, ma tunu minan-na, fo da'di leo tutunu-hohotuk. Boon-na nandaa no Au daleng-nga.

BILANGAN 18:15

Hataholi Israel-la, tunu-hotu fe Au, basa hata maso'dak lala'en-na ana ulun-nala, nau hataholi do bana-manu boe, o nuum sila. Tehu, emi muse soi-mala, emi ana ulum-mala, ma bana-manu nalulik-kala, ana makasososan-nala boe.

IMAMAT 27:26

Bana-manu ana makasososan-na nde been-na, Manetualain nuun, da'di ta bole fen no dale hihii-nanau mesan-na, tunu-hotu bana ndia soaneu tutunu-hohotuk fa. Sapiana, bi'ilopoana do bi'ihiiana fo nanabongi makasososak-kala nde been-na, Manetualain nuun.

IBRANI 12:23

Emi tunga natotongok esa, fo henuk no hika-setelee ka, fo nde natotongo Manetualain ana ulu nala, fo na'de nala nanasulak nai nusa so'da ka dalek. Emi mai masasale matak mo Manetualain, fo mana Maketu-Mala'di basa hataholi daebafa ka lala'ena. Emi masasale matak mo hataholi kamahehele kala dula dale nala, fo ala da'di matetu-mandaak so.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

ULANGAN 14:23

Nai emi Manetualaim-ma matan, nai mamanak fo Ana helen soaneu mamana nakaluku-nakatele, emi muse mi'a tunu-hotu ba'ek esa neme ba'eneu sanahuluh, fo nde gandum, angol, mina setun, boema emi sapiana, bi'ihiiana, bi'ilopoana fo, nanabongi makasososak-kala. Tao basa sila-la, fo ela emi hapu manoli fe ha'da-holomata neu emi Manetualaim-ma, losa dodo-na.

KELUARAN 34:19

Basa anatouk uluk-kala ma bana maneanak fo nanabongi makasososak-kala nde been-na, Au nuung,

ROMA 8:29

Hataholi fo Manetualain hele basa kala, naketu basan neme makasososa na mai a, hataholi sila sama leo Ana na, fo nde Yesus Kristus. No enok ndia de, Anak ndia, nde da'di puleuluk neu basa tolanoo kala lala'ena.

KELUARAN 22:30

ma emi sapim-ma, emi bi'ilopom-mala, ala bongi ana maneanak makasososak-ka. Po'i bana sila-la lahele loo inan-nala, faik hitu dalen-na, boema neu fai ka falun-na soona, fes leo Au mai.

ULANGAN 15:18

Metema, emi po'i ata esa soona, boso masasale dale, nana nai teuk nee dalen-na, ana naue-nale'di fe emi, no ngga'din-na ba'u malalau-maoono esa, ngga'din-na seli. Tao tunga paleta ndia, soona neukose emi Manetualaim-ma, fe baba'e-papalak neu emi ue-osam lala'en-na.”

KELUARAN 22:29

Neu faik fo nananaketuk-ka, tunu-hotu fe Au, emi gandum, angol ma emi mina setum-ma, beke selik. Fe emi anaulu toum-mala leo Au mai,

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.