ULANGAN 15:15 - Susula Malalaok Hehelu Palak Ma Hehelu Beuk

¹⁵ Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 15:15 Referans Kwoze

ULANGAN 16:12

Tinga basa paletan-nala, no dalek-katematuak, ma mafandendelek te, makahulun-na, emi da'di ata neme Masir so.”

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

YESAYA 51:1

Manetualain nafa'da nae, “Mamanene leon, hai emi fo, manamahiik nanasoi-tefak, mai leo Au mai, fo moke tutulu-fafalik. Mafandele lete batu, fo emi nanapa'ak neme batu ndia mai, ma batu kakalik, fo emi nanakalik neme ndia mai.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

ULANGAN 15:14

No emi dale malolem-ma, emi muse fen su'di beek neme hata fo, emi Manetualaim-ma fen neu emi, fo nde bi'ihiik bi'ilopo, gandum ma angol.

ULANGAN 15:16

Tehu, metema ata ndia, ana ta nau feli ne'u fan, nanahu ana sue-lai emi ma emi teidalem-mala, de ana nau leo no emi soona,

2 SEMUEL 7:23

Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

YEREMIA 16:14

Manetualain nafa'da nae, “Neukose fain-na losa soaneu hataholi ta soo-supa seluk nenik a Au, Manetualain fo maso'dak, fo maneni falik hataholi Israel-la kalua leme Masir mai,