ULANGAN 14:21 - Susula Malalaok Hehelu Palak Ma Hehelu Beuk

²¹ Emi ta bole mi'a bana manamateaok-kala, paan-na fa, tehu hataholi nusa dea fo, manaleo manai emi nusam-ma, bole la'a, do lase'os leo leoina nusa dea-la neu. Emi nde been-na, hataholi fo, nanahele hehelik soaneu emi Manetualaim-ma. Ta bole nasu bi'ilopoana do bi'ihiiana paan-na, nenik inan su'uoen-na fa.”

ULANGAN 14:21 Referans Kwoze

KELUARAN 23:19

Tunga teuk, emi muse meni emi gandum-ma buna-boa makasososan-na leo Au mai. Ta bole nasu bi'ilopoana do bi'ihiiana paan-na nenik bi'iana sila inan su'uoen-na fa.”

KELUARAN 34:26

Tunga teuk, emi muse meni emi daem-ma buna-boa makasososan-na leo emi Manetualain fo emi Manetualain-na Uman neu. Ta bole nasu bi'ilopoana do bi'ihiiana paan-na, nenik inan su'u oen-na fa.”

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

IMAMAT 22:8

Imam ndia nanakena-ka'ik soaneu na'a bana manamate aok paan-na, do bana fo bana makaak-kala kaa lisan, paan-na. Metema na'an soona, nanggenggeo. Au nde Manetualain.

IMAMAT 17:15

Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

1 PETRUS 1:16

Nai Susula Malalaok dale nanasulak nae, “Ela leo bee na emi malalaok, nanahu Au malalaok.”

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

HATAHOLI 15:20

Tehu ita muse sulak fes susulak ma tanoli-tafa'das, fo daenga boso la'a nana'a sosongo-tatango manggenggeok sila la, do la'a bana nanafule nisak paa na, do la'a paa daa. Boema, fo ela ladook ao nala leme sosoa-piao ka mai.

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

DANIAL 8:24

Neukose balakain-na seli, tehu ta hu kande be'i-balakai mesan-na fa. Neukose neni momopo-mamatek fo bibii namata'uk matuaina, ma hata fo ana tao-no'in, neukose neni buna-boak. Neukose ana tao namopo-namate hataholi mabe'i-balakai lea-la, ma Manetualain anan-nala.

KELUARAN 19:6

hehelik soaneu Au mesang-nga, ma neukose emi malalau-maoono Au da'di leo imam-imam.”

IMAMAT 11:40

Hataholi fo ana ho'i neni do na'a bana mates ndia paan-na soona, ana muse sefe bua papaken-na, tehu nanggenggeo nahele losa le'do tenak.

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

ULANGAN 14:20

Emi bole mi'a bana mali'dak fo, nanakena-ka'i tak-kala.

YESKIAL 44:31

Manupui mates, ma bana mates, do bana makaak-kala, ala kaa lisan soona, basa imam-mala, ta bole la'a paa ndia fa.”

KELUARAN 22:30

ma emi sapim-ma, emi bi'ilopom-mala, ala bongi ana maneanak makasososak-ka. Po'i bana sila-la lahele loo inan-nala, faik hitu dalen-na, boema neu fai ka falun-na soona, fes leo Au mai.