ULANGAN 13:17 - Susula Malalaok Hehelu Palak Ma Hehelu Beuk

¹⁷ Emi ta bole ho'i-ma bua-lo'as nanasoo-supak sila-la, fo emi taos da'di emi nuum fa, te muse tao makalulutuk la'iesak-kasa. Soona neukose Manetualain nasan-na tenak, de Ana natu'du susue-lalain neu emi. Neukose dalen-na malole no emi, fo Ana tao emi da'di leoina matuaina, sama leo Ana helu basan neu, emi bei-ba'i kaim-mala so,

ULANGAN 13:17 Referans Kwoze

YOSUA 7:26

Basa ndia boema, launu batu makadotok nanseli neu mamanak ndia, de losa besak ia, batu sila-la bei lai ndia. Hu ndia de, ala foi lahele mamanak ndia na'de, Bafak Toto'a-tataak. Boema, tenak heni Manetualain nasa-melun.

ULANGAN 7:26

Boso pe'da-fua dodoki-dudulak sosongo-tatangok esa, nai emi umam dale, fo ela sosoo-susupak fo manatuni-ndeni nalas-sa, boso tuni-ndeni-nala emi boe. Emi muse makamuu-makadau ma malua tatao-nono'ik matak leondiak-ka, nanahu Manetualain soo-supa tatao-nono'ik ndia.”

KEJADIAN 26:24

Nai le'odaek ndia Manetualain natu'du aoinan-na neun de nae, “Au nde o amam Abraham Manetualain na. Boso bii; te Au asulu-ahapa o. Neukose Au ba'e-pala o ma Au fe o tititi-nonosik makadotok, nanahu Au hehelu-balataang neu Au atang Abraham.”

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

YOSUA 6:18

Ta bole ho'i hata esa boen, neme basa hata fo muse tao nakalulutuk-kasa mai. Metema emi ho'i soona, neukose soe ma ani-sangu, la'e Israel mamana ofun-na.

ULANGAN 30:3

soona, neukose emi Manetualaim-ma sue-lai emi. Neukose, no falik emi neme leoina fo, nai bee emi nanatao tapasasalak-ka, ma Ana fe emi maso'da no tetu-temak seluk.

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

YOSUA 22:20

Mafandele, Akhan fo Zerah anan-na, ana ta nau tunga Manetualain paletan la'eneu bua-lo'as fo muse tao nakalulutuk-kasa, de mate'en-na beek da'di? Hataholi Israel-la lala'en-na nanahukuk. Fo masala-masingok-ka ka'da Akhan dei, tehu manamatek-ka, ta ka'da ndia mesak-kana fa!”

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

BILANGAN 25:4

“Ho'u-ma la'iesak hataholi manada'di malangan neu leoina ndia, fo taomisas nai lea matan, fo da'di natutu'duk nae, Au paletang-nga nananakalala'ok, fo ela Au boso boe, amanasa leoina ndia bai.”

KELUARAN 20:6

Tehu, Au atu'du Au susue-lalaing neu hataholi fo manasue-lai Au, ma manatunga Au paletang-ngala, tititi-nonosin lifu-lifun.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

ULANGAN 13:18

sa'di emi tunga basa paletan fo, au anduku-alosak-kana neu emi, nai faik ia dalen-na, ma tao tunga basa hihii-nanaun lala'en-na.”

ULANGAN 30:5

Boema, emi hapu falik dae fo makahulun-na, emi bei-ba'i kaim-mala leo-nana. Fo Ana fe emi maso'da no tetu-temak seluk, ma emi mamade'u lena heni emi bei-ba'i kaim-mala.

MAZMUR 85:3

O fe basa do'o do ampon neu O anam-mala sala-singon-nala so; O poti ketu salan-nala so.

HOSEA 11:9

Neukose, Au ta huku o nai Au nasa-melung dale fa, Au ta tao akalulutuk o so'on. Nana Au Manetualain, te ta hataholi daebafak fa. Au, Fo Malalao-malalafuk-ka, sama-sama o o, ma Au ta nau amanasa o so'on.”

YOSUA 6:24

Basa boema, solda'du Israel-la, hotu heni kota ndia, no basa hata manai dalek-kala lala'en-na, ela ka'da bua-lo'a lilopilas, lilofulak, liti ma besi. Ala ho'i-la bua-lo'as sila-la, de lenis leo mamana pepe'da Manetualain hata-heton neu.

YOSUA 8:28

Yosua hotu heni Ai, de ana po'ilotak-kana da'di ai-batu madodouk, losa besak ia.