ULANGAN 13:16 - Susula Malalaok Hehelu Palak Ma Hehelu Beuk

¹⁶ Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.

ULANGAN 13:16 Referans Kwoze

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

YOSUA 8:28

Yosua hotu heni Ai, de ana po'ilotak-kana da'di ai-batu madodouk, losa besak ia.

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 17:1

Manetualain nafa'da nae, “Damsyik ta nalupa kota so'on, te ka'da ai-batu madodouk-kala.

YOSUA 6:24

Basa boema, solda'du Israel-la, hotu heni kota ndia, no basa hata manai dalek-kala lala'en-na, ela ka'da bua-lo'a lilopilas, lilofulak, liti ma besi. Ala ho'i-la bua-lo'as sila-la, de lenis leo mamana pepe'da Manetualain hata-heton neu.

MIKHA 1:6

Hu ndia de, Manetualain nafa'da nae, “Neukose, Au tao Samaria da'di ai-batu madodouk nai mook-ka, ma mamanak fo hataholi-a sele ai angol. Neukose Au tu'u kota ndia dae bubua manandefan-na leo bafak dale neu, ma Au ofe heni kota ndia uma laten-na.

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

ULANGAN 7:26

Boso pe'da-fua dodoki-dudulak sosongo-tatangok esa, nai emi umam dale, fo ela sosoo-susupak fo manatuni-ndeni nalas-sa, boso tuni-ndeni-nala emi boe. Emi muse makamuu-makadau ma malua tatao-nono'ik matak leondiak-ka, nanahu Manetualain soo-supa tatao-nono'ik ndia.”

YESKIAL 26:14

Fo Au la'oela kande, ka'da batu esa mesak-kana, fo hataholi tasi-la, mamana ho'i dalan-nala. Kota ndia, neukose ta nananafofo'a falik so'on. Au, Manetualain Fo Mademaina, nde manakokolak-ka.”

KELUARAN 22:19

Hataholi see, ana sao bana soona, muse taonisan.

YOSUA 6:21

Basa hata manai kota ndia dalek, lasi-mulik, ina-touk, ala taolisas nenik tafaina. Ala taolisa la'iesak bana-manu sapi, bi'ilopo ma keledei lala'en-na boe.