ULANGAN 13:15 - Susula Malalaok Hehelu Palak Ma Hehelu Beuk

¹⁵ soona taonisa la'iesak laun manai kota ndia lala'en-na, sama-sama loo bana-manun-nala. Muse tao namate-namopo la'iesak kota ndia.

ULANGAN 13:15 Referans Kwoze

ULANGAN 7:2

Metema, emi Manetualaim-ma fe leoina sila-la, leo emi koasam dale neu, fo emi sengis soona, taomisa la'iesak-kasa. Emi boso sue-lais, do tao hehelu-balataak moo hataholi sila-la.

IMAMAT 27:28

Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

NINITAK 17:16

O mita susula kasanahuluk ma bana ndia, neukose nakamu-nakadau manasosoa-piaok ndia. Neukose ala loso la basa hata-heton lala'ena, ma ala tao lan da'di makaholak. Neukose ala la'ahenin paa na ma ala taolisan ninik ha'i.

HAKIM-HAKIM 20:48

Basa boema, hataholi Israel-la fali seluk, de ala sapu-lalas, boema ala taolisa la'iesak Benyamin hataholin fo bei elak-kala – touk, inak, ni'iana ma bana-manu boe. Ala hotu heni basa kota manai nusak ndia lala'en-na.

YOSUA 6:24

Basa boema, solda'du Israel-la, hotu heni kota ndia, no basa hata manai dalek-kala lala'en-na, ela ka'da bua-lo'a lilopilas, lilofulak, liti ma besi. Ala ho'i-la bua-lo'as sila-la, de lenis leo mamana pepe'da Manetualain hata-heton neu.

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

ULANGAN 2:34

Nai lelek ndia boe, ita loso-ta basa kota-la de ita tao takalulutuk-kasa, ma ita tao tisa la'iesak laun-nala lala'en-na, touk-kala, inak-kala ma ni'iana-la. Ita ta po'ilotak hataholi esa boen, naso'da fa.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

ULANGAN 13:14

Metema, emi mamanene dede'a anin matak leondiak-ka soona, palisak matalolole dein. Metema, tatao-nono'i mangalauk ndia, tete'ek-ka,

ULANGAN 17:4

soona emi muse palisak matalolole dein. Ade tete'ek-ka, atao-nono'i mangalauk ndia, ana da'di nai Israel so do,

HAKIM-HAKIM 20:3

Ndia te, leo Benyamin-na, hataholin-nala lamanene basa, lae basa hataholi Israel fe'e-fe'ek-kala lakabubua basa lai Mizpa so. Boema hataholi Israel sila-la, latane hataholi Lewi, fo taolisa sao makahatun-na ndia lae, “So'ba tui su'dik ami, tao leo bee de, tatao-nono'i mangalauk ndia, ana da'di!” Hataholi Lewi ndia nataa nae, “Au o au sao makahatung ndia tuli neme Gibea, fo nai Benyamin nusan-na, de ami sungu meme naa.

EZRA 10:16

Hataholi nanafook fo, manafali ma'is sila-la, latea lahele, fo sanga lakalala'ok tutu'u enok ndia, hu ndia de, Imam Ezra, ana hele hataholi de'ubee nai mane leo-la dalek, fo ala sulak-la na'den-nala. Nai hataholi Yahudi-la, bula ka sanahulun-na, fain esa, boema ala mulai lakabubua, fo ala palisak matalolole dede'ak ndia.