ULANGAN 12:5 - Susula Malalaok Hehelu Palak Ma Hehelu Beuk

⁵ Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 12:5 Referans Kwoze

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 26:2

fo metema emi ketu-kolu basa emi daem-ma buna-boan lala'en-na soona, emi muse pe'da makabubua emi boa sosam-mala neu lepeneu esa dalek, fo menis leo emi Manetualaim-ma hele mamanak-ka neu.

2TAWARIKH 7:12

Manetualain natu'du seluk aoinan-na neun nai fai le'odaek. Manetualain nafa'dan nae, “Au amanene o huhule-haladoim so ma Au sipok uma ia da'di leo mamana hehelik soaneu fe tutunu-hohotuk ba'eneu Au.

ULANGAN 16:2

Meu leo Manetualain hele mamanak-ka meu, fo do'do emi bi'ihiim bi'ilopom do emi sapim esa, da'di leo tutunu-hohotu Paskah, soaneu fe ha'da-holomata neu emi Manetualaim-ma.

1RAJA-RAJA 8:29

Ela leo been-na lele'do-le'odaen O masulu-mahapa uma ia, fo O hele basan da'dileo mamana hule-haladoik neu O. Ela leo been-na neme O mamana leleom manai nusa so'dak-ka, O mamanene ma fe do'o do ampon neu au boema O ana mala metema ami masale leo uma ia mai fo hule-haladoi neu O.

MAZMUR 78:68

Fo Ana helek-ka nde, leo Yehuda, ma Ana sue-laik-ka nde, Pupukuk Sion-na.

ULANGAN 12:13

Emi ta bole tunu-hotu emi tutunu-hohotum, su'di nai mamanak bee fo, emi hele aom,

KOLOSE 2:9

Nanahu basa Manetualain ha'da-tataon lala'e na, hapun nai Kristu sao paa hataholi daebafa na dalek.

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

1RAJA-RAJA 8:20

Besak ia Manetualain tao natetu hehelu-balataan so. Au da'di mane Israel nggati au amang so, ma au afofo'a basa uma soaneu mamana hule-haladoik neu Israel Aman, Manetualain so.

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.

1 TAWARIKH 22:1

Boema Dauk nae, “Nai mamanak ia nde nafofo'a Manetualain Uman na. Ma nai mei tunu-hotuk ia nde hataholi Israel-la fe sila tutunu-hohotu nanatunun na neu Manetualain.”

1RAJA-RAJA 14:21

Lelek Rehabeam, fo Salomo anan-na, da'di mane Yehuda te, teun haahulu esa. Ana paleta teuk sanahulu hitu dalen-na nai Yerusalem. Neme basa kota Israel-la lala'en-na, Manetualain tao fe'e kota ndia da'dileo mamana hule-haladoik neun. Rehabeam inan nde Naama fo neme leoina Amon na mai.

YOSUA 18:1

Langatuu-la Manetualain helu nusak-ka boema, hataholi Israel-la lala'en-na, lakabubua nai Silo, de lapadedeik Lalaa temak soaneu Manetualain mamain-na.

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

YOSUA 9:27

Tehu ala taos da'di ata, fo nde manabia ai ma manalepa oe soaneu hataholi Israel-la, ma soaneu Manetualain mei tunu-hotun. Losa besak ia, ala bei tao lahele tatao-nono'ik ndia, nai mamanak fo Manetualain manakoasa hele fes, da'di mamana makaluku-makatele ba'eneun.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

NINITAK 14:1

Basa ndia de au mete boema nono'ka bai Bi'ilopo Ana ndia napadeik nai Lete Sion lain. Bi'ilopo Ana ndia sama-sama no hataholi lifun natun esa hahuluha. Bi'ilopo Ana ndia no Aman na'de nala nanasulak nai hataholi sila la esa-esak dedei na.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

ULANGAN 12:4

Nai lelek, emi sene-do'ok neu emi Manetualaim-ma soona, boso nana dulak neme hataholi sila-la sene-do'on neu sila lamatua daebafak-na.

ULANGAN 12:18

Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 14:23

Nai emi Manetualaim-ma matan, nai mamanak fo Ana helen soaneu mamana nakaluku-nakatele, emi muse mi'a tunu-hotu ba'ek esa neme ba'eneu sanahuluh, fo nde gandum, angol, mina setun, boema emi sapiana, bi'ihiiana, bi'ilopoana fo, nanabongi makasososak-kala. Tao basa sila-la, fo ela emi hapu manoli fe ha'da-holomata neu emi Manetualaim-ma, losa dodo-na.

ULANGAN 14:24

Metema, emi Manetualaim-ma hele mamanak nakaluku-nakatelek-ka, dook-ka nanseli neme emi umam-ma mai, nalosa emi ta hapu meni emi Manetualaim-ma fe emi daem-ma buna-boan, hahapu dadain ba'ek esa neme ba'eneu sanahuluh leo ndia neu fa, soona

ULANGAN 15:20

Tunga teuk, emi ma emi teidalem-mala, muse mi'a paan-na nai emi Manetualaim-ma matan, nai mamanak fo Manetualain helek-ka.

ULANGAN 17:8

Metema, manakee-manafula manai mamanak ndia, ala ta laketu-lala'di lalelak dede'ak ndia fa, nanahu nakeketun-na, tean-na seli, fo nde hataholi fo ana tutu'u basa, soaneu ana taonisa hataholi, do ana ta name'da fa te, ana taonisa hataholi, nale'a-napilik la'eneu pusaka, do esa tao nakahina esa soona, emi muse meu leo, emi Manetualaim-ma hele mamanak-ka meu.

ULANGAN 31:11

emi muse lees mapane'e, hoholo-lalanek ia-la neu hataholi Israel fo, manamai sene-do'ok neu emi Manetualain-ma, nai Ana hele mamanak-ka.

YOSUA 22:11

Hataholi Israel fe'ek fo sila bei leoina esa, lamanene boema, lafa'da lae, “Leo Ruben, Gad ma leo Manasye manai Lee Yarden-na boboan dulu, hataholin-nala lapadedeik-la mei tunu-hotuk esa nai Gelilot, deka no Lee Yarden-na, nai ita nusan dale ndia!” Boema, basa-basas lakabubua nai Silo, fo sanga leu lata'ti loo Israel leo-leon manai Lee Yarden-na boboan dulu ndia.

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

EZRA 6:12

Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

EZRA 7:17

Pake doik sila no malolen-na, fo asa sapi mane, bi'ilopo mane, bi'ilopo ana, gandum ma angol. Tunu hotu basa sila-la nai mei tunu-hotuk lain, nai Manetualain Uman manai Yerusalem-ma.

YEREMIA 7:14

Nah, Au Umang fo emi masalai emi deam-ma, ma mamanak fo Au fen neu emi bei-ba'i kaim, ma neu emi ia, neukose Au taon, sama leo makahulun-na Au tao Silo-a.

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

ULANGAN 16:7

Tunu-nasu paa sila-la, nai emi Manetualaim-ma hele mamanak-ka, fo balahaa fafaik soona, fali meu'um-ma leo emi umam-ma meu.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

ULANGAN 16:15

Emi muse tao feta ndia, fai hitu dalen-na, soaneu fe ha'da-holomata neu emi Manetualaim-ma, nai Ana hele mamanak-ka. Mamahoko-setelee, nanahu emi Manetualaim-ma, Ana fe baba'e-papalak neu emi daem-ma buna-boan, ma emi ue-le'dim.

ULANGAN 18:6

Metema, leo Lewi esa, ana da'di neme su'di kota bee mai, nai Israel, ana mai leo Manetualain hele mamanak-ka mai, fo ana leo nai ndia soona,

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

NEHEMIA 1:9

Tehu metema ami fali seluk leo O mai, ma ami tunga O paletam-ma soona ami fo manatapasasalak ia-la, neukose O tao makabubua seluk ami, leomae ami nai daebafak-ka pe'dan-nala boe. Boema neukose O moo falik ami leo mamanak fo O hele basan soaneu da'di mamana huhule-haladoik neu O.

YEREMIA 7:12

Meu leo Silo, kota fo makahulun-na, Au helen da'di mamana makaluku-makatele neu Au. Mete su'dik, hata fo Au tao basan, soaneu mamanak ndia, nanahu Au anang Israel sala-singon.